រូបចម្លាក់អវកាសយានិកសូវៀតទី១ពិភពលោក Yuri Gagarin បានមកដល់កម្ពុជា

Share on facebook
Share on google
Share on telegram

(ITC-Phnom Penh)៖ នាព្រឹកថ្ងៃអង្គារ ១១កើត ខែចេត្រ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងទី១២ ខែមេសា ឆ្នាំ២០២២ ពិធីសម្ពោធរូបចម្លាក់អវកាសយានិកសូវៀតទី១ពិភពលោក Yuri Alekseyevich Gagarin ត្រូវបានរៀបចំឡើងនៅវិទ្យាស្ថានបច្ចេកវិទ្យាកម្ពុជា។

ពិធីនេះស្ថិតក្រោមអធិបតីភាព ឯកឧត្តម Mr. Anatoly Borovik ឯកអគ្គរដ្ឋទូតសហព័ន្ធរុសី្សប្រចាំនៅកម្ពុជា និងឯកឧត្តមបណ្ឌិត អ៊ុម រម្យណី រដ្ឋលេខាធិការ ក្រសួង អប់រំ យុវជន និងកីឡា។ ក៏មានការចូលរួមផងដែរពី ឯកឧត្តម ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា (សាលាតិចណូ) លោកនាយករង និងមន្រ្តីទូតជាច្រើនរូបទៀត។

ជាកិច្ចចាប់ផ្តើម ឯកឧត្តមរដ្ឋលេខាធិការ បានរំលឹកពីប្រវត្តិរបស់វិទ្យាស្ថាន ដោយរំលេចពីគុណបំណាច់របស់អតីតសហភាពសូវៀត ដែលបានជួយកសាងវិទ្យាស្ថាននេះ ដែលបាននិងកំពុងដើរតួនាទីយ៉ាងសំខាន់ក្នុងការបណ្តុះបណ្តាលវិស្វករកម្ពុជា។ ឯកឧត្តមក៏បានសម្រេចរៀបចំទីស្នាក់ការមួយនៅក្នុងសាលាតិចណូដើមី្បបន្តនិងពង្រឹងសហប្រតិបត្តិការទ្វេភាគីឡើងវិញ ជាពិសេសវិស័យ ស្រាវជ្រាវ បច្ចេកវិទ្យា និងវិទ្យាសាស្រ្ត។

ជាការឆ្លើយតប ឯកឧត្តមឯកអគ្គរដ្ឋទូតបានរំលឹកថា៖ «លោក Yuri Gagarin គឺជាអ្នកបើកយន្តហោះ និងអវកាសយានិកសូវៀត ដែលបានក្លាយជាមនុស្សដំបូងគេដែលធ្វើដំណើរទៅកាន់ទីអវកាស។ ការធ្វើដំណើរក្នុងយាន Vostok 1 លោក Gagarin បានបញ្ចប់គន្លងមួយរបស់ផែនដីនៅថ្ងៃទី ១២ ខែមេសា ឆ្នាំ១៩៦១។ ដោយសម្រេចបាននូវព្រឹត្ដិការណ៍ដ៏សំខាន់នេះក្នុងការប្រណាំងលំហអាកាស គាត់បានក្លាយជាតារាល្បីលំដាប់អន្តរជាតិ ហើយបានទទួលរង្វាន់ និងមេដាយជាច្រើន រួមទាំងវីរៈបុរសនៃសហភាពសូវៀត ដែលជាកិត្តិយសខ្ពស់បំផុត»។ ឯកឧត្តមបានបន្ថែមថា នេះគឺដោយសារប្រទេសរសី្សបានបោះជំហ៊ានមួយយ៉ាងសំខាន់ក្នុងវិស័យវិទ្យាសាស្រ្ត។ ឯកឧត្តមក៏បានទទួលយកដោយរីករាយការផ្តួចផ្តើមគំនិតបង្កើតទីស្នាក់ការរុសី្សប្រចាំនៅសាលាតិចណូ ដើមី្បបន្តនិងពង្រឹងកិច្ចសហប្រតិបត្តិការនៃប្រទេសយើងទាំងពីរ។

Recent Posts

(ITC-Phnom Penh): នារសៀលថ្ងៃទី៩ ខែឧសភា ឆ្នាំ២០២២ ឯកឧត្តមបណ្ឌិត ប៉ូ គឹមថូ បានទទួលស្វាគមន៍លោកលោកស្រី Rebekah Bell ប្រធានអង្គការស្បៀងអាហារ និងកសិកម្មនៃអង្គការសហប្រជាជាតិថ្មី ប្រចាំនៅកម្ពុជា (The New Country Representative of the Food and Agriculture Organization of the United Nations-FAO)។

Read More »