News&Event

(ITC-Phnom Pen)៖ នាព្រឹកថ្ងៃទី១០ ខែមីនា ឆ្នាំ២០២៣ ឯកឧត្តម ម៉ក់ ង៉យ អគ្គនាយកនៃអគ្គនាយកដ្ឋានឧត្តមសិក្សា ក្រសួងអប់រំ យុវជន និងកីឡា និងឯកឧត្តមនាយកនៃវិទ្យាស្ថានបច្ចេកវិទ្យាកម្ពុជា បណ្ឌិត ប៉ូ គឹមថូ បានអញ្ជើញបច្ចុះបឋមសិលាសាងសង់អគារអន្តេវាសិកដ្ឋានចំនួន ០១ខ្នង កម្ពស់ ០៩ជាន់ មាន ៩១បន្ទប់ នៅក្នុងសាខាវិទ្យាស្ថានបច្ចេកវិទ្យាកម្ពុជា មហាវិថីឈ្នះ~ឈ្នះ ក្បែរវិមានឈ្នះ~ឈ្នះ លើផ្ទៃដីទំហំ ៥ហិកតា នៅ ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។ ការសាងសង់អគារនេះ ប្រើប្រាស់ថវិការបស់គម្រោងកែលម្អការអប់រំឧត្តមសិក្សា (HEIP) ដែលជាហិរញ្ញប្បទាននៃធនាគារពិភពលោក (WB)។ អគារនេះពិតជាមានសារៈសំខាន់ក្នុងការផ្តល់ជាជម្រកសមរម្យសម្រាប់ប្អូនៗនិសិ្សតដែលមានជីវភាពលំបាកនិងរស់នៅក្នុងតំបន់ដាច់ស្រយ៉ាលនិយាយជារួម និងនិយាយដោយឡែកវាជាផ្នែកដែលមិនអាចខ្វះបានសម្រាប់ហេដ្ឋារចនាសម្ព័ន្ធនៃសកលវិទ្យាល័យក្នុងយុគ្គសម័យឌីហ្សីថលយើងនេះ។ ការសាងសង់គ្រោងនឹងបញ្ចប់ទាំងស្រុងនៅដំណាច់ខែមិថុនាឆ្នាំ២០២៤។

សូមចូលរួមអបអរដល់ក្រុមនិស្សិតតំណាងឲសាលាតិចណូមួយក្រុមដែលបានចូលរួមប្រកួតប្រជែងគម្រោងទាក់ទងនឹងប្រធានបទ Biodynamique Architecture Competition,សមាជិក្រុមមានចំនួន៦នាក់ដែលមកពីដេប៉ាតឺម៉ង់ទេពកោសល្យស្ថាបត្យកម្មឆ្នាំទី៤គឺ រស់ សម្បត្តិ, ហុង សុគុណ, សេង សៀកហ័រ, ម៉ៅ ម៉េងហួរ, កុច តុលា និង មាង ច័ន្ទនាគ.ក្រុមការងារធ្វេីគម្រោងនេះដោយ មានការរៀបចំទៅលេីកន្លែងអង្គុយសម្រាប់មេីលការសម្ដែង ហេីយត្រូវគិតទៅលេីប្រភេទរុក្ខជាតិនិងដេីមឈេីដែលត្រូវយកមកដាំ,ព្រមទាំងគិតដល់ការរចនាដំបូលដេីម្បីការពាកម្ដៅថ្ងៃនិងពេលភ្លៀងទៀតផង។ ចំពោះគម្រោងមួយនេះក្រុមនិស្សិតទាំងអស់ត្រូវធ្វេីការងារចំនួនពីរផ្អែក គឺកិច្ចការ Poster ទំហំ A0 ពីរផ្ទាំង និងត្រូវធ្វេីម៉ាកែត ។ បន្ទាប់ពីបញ្ចប់កិច្ចការទាំងអស់នេះហេីយ គ្រប់ក្រុមនិស្សិតទាំងអស់ត្រូវធ្វេីការធ្វេីបទបង្ហាញដេីម្បីការពារគម្រោងរបស់ក្រុម នៅថ្ងៃ ពុធ ទី ០៨ ខែ មិនា ឆ្នាំ ២០២៣ ដោយមានការចូលរួមពី ឯកឧត្ដមនាយក បណ្ឌិត ប៉ូ គីមថូ។ជាលទ្ធផលក្រុមដែលតំណាងឲសាលាតិចណូយេីងមួយក្រុមទទួលបានចំណាត់ថ្នាក់ លេខ៣ ក្នុងការប្រកួតប្រជែង នៅវិទ្យាស្ថានបារាំងនៅឆ្នាំ២០២៣នេះ ដែលមានសាលាចូលរួមដូច សាកលវិទ្យាល័យន័រតុន និងសាកលវិទ្យាល័យ ភូមិន្ទ និងវិចិត្រសិល្ប:។