ថ្នាក់វិស្វករ
កម្មវិធីសិក្សាថ្នាក់វិស្វករនៅវិទ្យាស្ថានបច្ចេកវិទ្យាកម្ពុជា មានរយៈពេល ៥ឆ្នាំ ដែលក្នុងនោះនិស្សិតត្រូវសិក្សាថ្នាក់វិទ្យាសាស្ត្រទូទៅរយៈពេល ២ឆ្នាំ និងសិក្សាជំនាញឯកទេសរយៈពេល ៣ឆ្នាំ។ និស្សិតត្រូវប្រឡងប្រជែងចូលរៀនតាមរយៈវិញ្ញាសាសរសេរ។
លក្ខខណ្ឌនៃការប្រឡងប្រជែងចូលរៀន៖
- បេក្ខជនត្រូវមានសញ្ញាបត្រមធ្យមសិក្សាទុតិយភូមិ (ឬសញ្ញាបត្រសមមូល)។
- បេក្ខជនត្រូវដាក់ពាក្យសុំធ្វើការប្រឡង នៅតាមវិទ្យាល័យដែលខ្លួនកំពុងសិក្សា តាមនិតិវិធីរបស់ក្រសួងអប់រំ យុវជន និងកីឡា ហើយត្រូវមកបង្ហាញខ្លួននៅវិទ្យាស្ថានបច្ចេកវិទ្យាកម្ពុជា មុនថ្ងៃប្រឡង។
- បេក្ខជន ដែលមិនបានដាក់ពាក្យនៅតាមវិទ្យាល័យដែលខ្លួនកំពុងសិក្សា ហើយមានបំណងចូលរៀននៅវិទ្យាស្ថានបច្ចេកវិទ្យាកម្ពុជា អាចមកដាក់ពាក្យសុំប្រឡងនៅវិទ្យាស្ថានដោយផ្ទាល់ឱ្យបានមុនថ្ងៃឈប់ទទួលពាក្យប្រឡង ប៉ុន្តែមិនអាចទទួលបានអាហារូបករណ៍ទេ។
- កាលបរិច្ឆេទនៃការបង្ហាញខ្លួន និងការទទួលពាក្យ ធ្វើនៅពាក់កណ្តាលខែកញ្ញា ឯការប្រឡងតែងតែប្រព្រឹត្តទៅនៅដើម ខែតុលា ជារៀងរាល់ឆ្នាំ។ វិញ្ញាសាប្រឡងសរសេរ ស្របតាមកម្មវិធីសិក្សាចំណេះទូទៅ ត្រូវធ្វើជាភាសាខ្មែររួមមាន៖
- គណិតវិទ្យា (រយៈពេល ២ ម៉ោង)
- តក្កវិទ្យា (រយៈពេល ១ ម៉ោង)
- រូបវិទ្យា និងគីមីវិទ្យា (រយៈពេល ២ ម៉ោង)
ជំនាញឯកទេសសម្រាប់ថ្នាក់វិស្វករ៖
វិស្វករ (កម្មវិធីថ្នាក់ជាតិ)
- វិស្វកម្មនិងបច្ចេកវិទ្យាអាហារ
- វិស្វកម្មគីមី
- សំណង់ស៊ីវិល
- ស្ថាបត្យកម្ម
- វិស្វកម្មហេដ្ឋារចនាសម្ព័ន្ធនិងដឹកជញ្ជូន
- អគ្គិសនីនិងថាមពល
- អេឡិចត្រូនិចនិងស្វ័យប្រវត្តិកម្ម
- វិស្វកម្មមេកានិច
- វិស្វកម្មឧស្សាហកម្ម
- វិស្វកម្មព័ត៌មានវិទ្យានិងទំនាក់ទំនង
- វិស្វកម្មទូរគមនាគមន៍និងបណ្តាញ
- វិស្វកម្មវិទ្យាសាស្ត្រទិន្នន័យ
- វិស្វកម្មហិរញ្ញវត្ថុ
- ធនធានទឹកនិងហេដ្ឋារចនាសម្ព័ន្ធជនបទ
- ទឹកនិងបរិស្ថាន
- ធនធានរ៉ែនិងប្រេងកាត
វិស្វករ (កម្មវិធីថ្នាក់អន្តរជាតិ)
- វិស្វកម្មសុសវែ
- វិស្វកម្មបញ្ញាសិប្បនិម្មិត និងសន្តិសុខសាយប័រ
- វិស្វកម្មរ៉ូបូទិច និងស្វ័យប្រវត្តិកម្ម
- វិស្វកម្មឧស្សាហកម្ម និងគ្រប់គ្រងខ្សែសង្វាក់ផ្គត់ផ្គង់
- វិស្វកម្មនិរន្តរភាព និងធុរកិច្ច
- វិស្វកម្ម និងវិទ្យាសាស្ត្ររូបធាតុ
