(វបក ភ្នំពេញ) បន្ទាប់ពីបញ្ចប់ការសិក្សាបំណិន ការតម្លើងបណ្ដាញអគ្គិសនីក្នុងគេហដ្ឋានដែលផ្តល់ដោយ វិទ្យាស្ថានបច្ចេកវិទ្យាកម្ពុជា លោកគ្រូបង្រៀនមកពីវិទ្យាល័យព្រែកប្រសព្វ ខេត្តក្រចេះ បានយកជំនាញដែលគាត់បានរៀន ទៅអនុវត្ត ផ្ទាល់នៅក្នុងសហគមន៍ ក្នុងម៉ោងទំនេរពីការបង្រៀន ដោយគាត់បានធ្វើការតម្លើង បណ្ដាញអគ្គីសនីសម្រាប់គេហដ្ឋានប្រជាពលរដ្ឋមួយជាន់ ចំណាយថវិកាអស់ ៨៥៧,០០០៛ និង ទទួលបានចំណូល ១,៣៨៩,០០០៛ និងចំណាយរយៈពេលអស់ ៥ថ្ងៃ។ ការតម្លើងនេះក៏បានបំពាក់ឧបករណ៍ការពារសុវត្ថិភាពសម្រាប់អតិថិជន ដូចជា MCB( ការពារការ ឆ្លងភ្លើង, ផ្ទុះសេ, លើសបន្ទុក) និង RCCB( ការពារការឆក់ លើសពី ៣០mA) រួមជាមួយនឹង ប្រអប់ភ្លើងDB( Distribution board) និង ប្រអប់ការពារខ្សែភ្លើង(Trunking)។ នេះជាចំណូលបន្ថែម ដែលអាចលើកកំពស់ជីវភាពរបស់លោកគ្រូផងដែរ។