(Itc-Phnom Penh)៖ នៅថ្ងៃទី២២ ខែមីនា ឆ្នាំ២០២៣ លោកជំទាវ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាល នៃវិទ្យាស្ថានបច្ចេកវិទ្យាកម្ពុជា បានអញ្ជើញដឹកនាំប្រជុំក្រុមប្រឹក្សាបច្ចេកទេសអន្តជាតិនៃវិទ្យាស្ថានបច្ចេកវិទ្យាកម្ពុជា (Réunion du Consortium international d’appui/Consortium Meeting International Support)។
ក៏មានការអញ្ជើញចូលរួមផងដែររបស់ លោក Pierre VINCENT ទីប្រឹក្សាសហប្រតិបត្តិការ និងវប្បធម៌នៃស្ថានទូតបារាំង, ឯកឧត្តមបណ្ឌិត អ៊ុម រម្យណី រដ្ឋលេខាធិការ ក្រសួងអប់រំ យុវជន និងកីឡា, លោកជំទាវ ប៉ែន ឆដា រដ្ឋលេខធិការក្រសួងរ៉ែ និងថាមពល, និងឯកឧត្តមបណ្ឌិត ប៉ូ គឹម ថូ នាយកវិទ្យាស្ថានបច្ចេកវិទ្យាកម្ពុជា។
Réunion du Consortium international d’appui/Consortium Meeting International Support មានរបបប្រជុំមួយដងក្នុងរយៈពេលមួយឆ្នាំ និងជាទូទៅនៅខែមីនា។
កិច្ចប្រជុំនេះពិតជាមានសារសំខាន់ក្នុងការពិភាក្សាលើកម្មវិធីសិក្សានិងស្រាវជ្រាវរបស់គ្រឹះស្ថានឧត្តមសិក្សាវិស្វកម្មមួយនេះ។ ការធ្វើបច្ចុប្បន្នភាពនៃកម្មវិធីរបស់ខ្លួនគឺជាញ៉ាំងអោយសាលាតិចណូមានភាពស្មើមុខស្មើមាត់ជាមួយគ្រឹះស្ថានឧត្តមសិក្សាល្បីៗនៅក្នុងតំបន់និងពិភពលោក។
ឆ្នាំនេះមានភ្ញៀវបរទេសមកពីប្រទេសបារាំង អាមេរិក បែលហ្សីក ថៃឡង់ អូស្រ្តាលី ជប៉ុន សរុបទាំងអស់៨៤នាក់/១៨នាក់ចូលរួមពីចម្ងាយ។
កិច្ចប្រជុំនេះមានរយៈពេលពីថ្ងៃគឺ ថ្ងៃទី២២ និង ២៣ ខែមីនា ឆ្នាំ២០២៣។
