(ITC-Phnom Pneh)៖ នារសៀលថ្ងៃទី៣០ ខែឧសភា ឆ្នាំ២០២៣ នៅវិទ្យាស្ថានជាតិអប់រំ មានរៀបចំពិធីបំពាក់គ្រឿងឥស្សរិយសការងារជូនបុគ្គលិកអប់រំចំនួន៩៣១នាក់ ក្នុងនោះមានសាស្រ្តាចារ្យបុគ្គលិកនៃវិទ្យាស្ថានបច្ចេកវិទ្យាកម្ពុជាចំនួន៤១នាក់។
ពិធីនេះស្ថិតក្រោមអធិបតីភាពដ៏ខ្ពង់ខ្ពស់ របស់ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជននិងកីឡា។
ឯកឧត្តមបណ្ឌិត អ៊ុម រម្យណី រដ្ឋលេខាធិការ ក្រសួងអប់រំ យុវជន និងកីឡា ព្រមទាំងរដ្ឋលេខាធិការ អនុរដ្ឋលេខាធិការ ជាច្រើនរូបទៀតក៏អញ្ជើញជាកិត្តិយសផងដែរ។
ឯកឧត្តមបណ្ឌិត ប៉ូ គឹមថូ ជាមួយនឹងសាកលវិទ្យាធិការ មកពីសាកលវិទ្យាល័យធំៗមួយចំនួន ក៏បានអញ្ជើញចូលរួម និងលើកទឹកចិត្តដល់ លោកគ្រូ អ្នកគ្រូ និងបុគ្គលិក នៃស្ថាប័នក្រោមឪឱវាទរបស់ខ្លួន ដែលបានទទួលនូវមេដាយការងារ។
នេះបញ្ជាក់ពីការយកចិត្តទុកដាក់របស់ថ្នាក់ដឹកនាំ ចំពោះបុគ្គលិក សាស្រ្តាចារ្យ ដែលបានខិតខំបំពេញការងារជូនជាតិមាតុភូមិ ដ៏បវរនៃយើង។
