Category: News

(វបក-ភ្នំពេញ)៖ នារសៀលថ្ងៃពុធ ១៤រោច ខែមិគសិរ ឆ្នាំថោះ បញ្ចាស័ក ព.ស.២៥៦៧ ត្រូវនឹងថ្ងៃទី១០ ខែមករា ឆ្នាំ២០២៤ លោក សូយ ទី នាយករងវិទ្យាស្ថានបច្ចេកវិទ្យាកម្ពុជា (សាលាតិចណូ) បានទទួលស្វាគមន៍ប្រតិភូរបស់ក្រុមហ៊ុនខាតថាយអឺរ ឯ.ក (CART TIRE Co., Ltd) ដែលអញ្ជើញមកផ្តល់អាហារូបករណ៍ចំនួន៥០០០ដុល្លា ដល់និស្សិតជ័យលាភីទាំង១៣រូប នៃវិទ្យាស្ថានបច្ចេកវិទ្យាកម្ពុជា។

ជាកិច្ចចាប់ផ្តើមលោក Jiang Renshuang ប្រធានក្រុមហ៊ុន CART TIRE Co., Ltd បានមានប្រសាសន៍ថ្លែងអំណរគុណដល់រាជរដ្ឋាភិបាលកម្ពុជា ដែលបានបង្កការងាយស្រួលដល់ការវិនិយោគរបស់ក្រុមហ៊ុននៅកម្ពុជា និងបានអរគុណដល់ថ្នាក់ដឹកនាំនៃសាលាតិចណូដែលតែងតែសហការជាមួយក្រុមហ៊ុន ដើមី្បផ្តល់នូវធនធានមនុស្សមានជំនាញផ្នែកវិស្វកម្មប្រកបដោយគុណភាព។ លោកបានបញ្ជាក់យ៉ាងច្បាស់ថា៖ «CART TIRE Co., Ltd ពិតជាកំលាំងចលករមួយដ៏សំខាន់ក្នុងជួយឱ្យសេដ្ឋកិច្ចកម្ពុជាឱ្យរីកចម្រើន»។

ជាការឆ្លើយតប លោកនាយករង សូយ ទី បានថ្លែងអំណរគុណ ដល់ក្រុមហ៊ុន ដែលបង្កទំនាក់ទំនងល្អរវាងគ្នា រហូតបានទទួលអតីតនិសិ្សតតិចណូឱ្យធ្វើកម្មសិក្សានិងធ្វើការ និងថ្ងៃនេះផ្តល់អាហារូបករណ៍ដល់និសិ្សតដែលកំពុងសិក្សា។ លោកនាយករងក៏បានរំលឹកពីតួនាទីសំខាន់របស់ក្រុមហ៊ុន CART TIRE Co., Ltd នៅកម្ពុជា និងបានលើកទឹកចិត្តឱ្យនិសិ្សតប្អូនខិតខំរៀនសូត្រ ដើមី្បមានឱកាសទទួលបានអាហារូបករណ៍ និងអាចក្លាយខ្លួនទៅជាបុគ្គលិករបស់ក្រុមហ៊ុន CART TIRE Co., Ltd ដែលជាក្រុមហ៊ុនចិនដ៏ធំខ្នាតអន្តរជាតិមួយនេះ។

• 

• 

• 

• 

• 

• 

• 

• 

• 

• 

• 

• 

• 

• 

• 

• 

(ITC-Phnom Penh)៖ នៅថ្ងៃសុក្រ ៩រោច ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៥ ខែមករា ឆ្នាំ២០២៤ វិទ្យាស្ថានបច្ចេកវិទ្យាកម្ពុជា (សាលាតិចណូ) បានរៀបចំបើកបវេសនកាលដើមី្បស្វាគមន៍ប្អូនៗនិសិ្សត វិស្វករ និងបរិញ្ញាបត្ររង ឆ្នាំទី១ សរុបប្រមាណ២០០០នាក់។

បន្ទាប់ពីមតិស្វាគមន៍របស់ លោក នុត សុថន ទីប្រឹក្សាទទួលបន្ទុកការសិក្សា លោក សូយ ទី នាយករង នៃវិទ្យាស្ថានបច្ចេកវិទ្យាកម្ពុជាបានពន្យល់លម្អិតពីកម្មវិធីសិក្សា បទបញ្ជាផ្ទៃក្នុង ក៏ដូចសកម្មភាពផ្សេងៗទៀតផងដែរ ដែលប្អូនៗត្រូវប្រកាន់ខ្ជាប់ក្នុងអំឡុងពេលសិក្សានៅសាលាតិចណូ។

លោកនាយករងបានពន្យល់ពីមហាវិទ្យាល័យទាំង៥ និងដេប៉ាតឺម៉ង់ទាំង១៣ ដែលកំពុងតែឆ្លើយតបទីផ្សារការងារកម្ពុជានាពេលបច្ចុប្បន្ន។

លើសពីការសិក្សា លោកនាយករងក៏បានស្នើឱ្យប្អូនយកចិត្តទុកដាក់និងចូលរួមការងារស្ម័គ្រចិត្តនិងការងារសង្គម ដែលអាចបង្រៀនប្អូនៗឱ្យមានសមត្ថភាពទំនាក់ទំនងល្អក្នុងសង្គម។

លោកនាយករងក៏បានទាញអារម្មណ៍ប្អូនៗឱ្យយកចិត្តទុកដាក់ដល់ការងារពារបរិស្ថាន ដោយផ្តើមចេញការចូលរួមរបស់ប្អូនៗម្នាក់ ដើមី្បធ្វើយ៉ាងណាឱ្យគ្រឹះស្ថានសិក្សារបស់យើងស្អាតជានិច្ច គ្មានសំរាម សាលារៀនបៃតង ឲ្យសក្តិសមជាទីកន្លែងសម្រាប់ការអប់រំ និងបណ្តុះបណ្តាលគំនិតស្អាតស្អំ។

លោកនាយករងក៏បានបញ្ជាក់យ៉ាងច្បាស់ថា និសិ្សតតិចណូមានឱកាសទទួលអាហារូបករណ៍ច្រើន បើសិនជាប្អូនខិតខំរៀនឱ្យបានពូកែ។

លោក សូយ ទី ក៏បានរំលេចពីវត្តមាននិសិ្សតសាលាតិចណូនៅសាលាល្បីៗធំៗមួយចំនួនលើពិភពលោក ដូចជា Ecole Polytechnique ជាដើម ដែលបន្តការសិក្សាកម្រិត Master និង PhD។

ឯកឧត្តមសាស្រ្តាចារ្យ ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា ក៏មានថ្លែងសារស្វាគមន៍អបអរសាទរ ដល់ជោគជ័យរបស់ប្អូនៗនិសិ្សត និងបានអរគុណដល់ប្អូនៗដែលបានសម្រេចចិត្តជ្រើសរើសយកសាលាតិចណូដើមី្បសិក្សាជំនាញវិស្វកម្ម។ ឯកឧត្តមបានបន្ថែមថា៖ «វិស័យវិស្វកម្មពិតជាចូលរួមជាមួយរាជរដ្ឋាភិបាលឱ្យអាចស្រេចបាននូវផែនការឆ្នាំ ២០៣០ ជាប្រទេសមានប្រាក់ចំណូលមធ្យមកម្រិតខ្ពស់ និងប្រទេសមានប្រាក់ចំណូលខ្ពស់នៅឆ្នាំ ២០៥០»។

ឯកឧត្តមសាស្រ្តាចារ្យបានក្រើនរំលឹកកត្តាសំខាន់ចំនួន៤ ដែលអាចនាំអោយការសិក្សារបស់ប្អូនៗទទួលបានជោគជ័យ៖ ១) កម្មវិធីសិក្សា, ២) ធនធានមនុស្ស (គ្រូបង្រៀន), ៣) ទីពិសោធន៍, ៤) ការខិតខំយកចិត្តទុកដាក់ តស៊ូ និងព្យាយាម របស់ប្អូនៗផ្ទាល់។

ឯកឧត្តមនាយកបានបន្ថែមថាសាលាតិចណូមានសក្តានុពលគ្រប់គ្រាន់ទាំងបីចំនុចដំបូង ដូច្នេះសូមប្អូនៗយកចិត្តទុកដាក់និងខិតខំរៀនសូម ដើមី្បឱ្យរាជរដ្ឋាភិបាលអាចមានមូលធនមនុស្ស សមប្រកបនិងតម្រូវការនៃទីផ្សារ ក្នុងសម័យឌីជីថលនេះ។

ក្នុងនាមគណៈគ្រប់គ្រងនៃវិទ្យាស្ថានបច្ចេកវិទ្យាកម្ពុជា ឯកឧត្តមបានប្រកាសបើកបវេសនកាលជាផ្លូវការសម្រាប់ឆ្នាំសិក្សា២០២៣-២០២៤ ថែមទាំងបានជូនពរដល់ប្អូន សូមប្រកបដោយពុទ្ធពរទាំងប្រាំប្រការគឺ អាយុ វណ្ណៈ សុខៈ ពលៈ និងបដិភាណៈ និងជាពិសេស ជោគជ័យក្នុងការសិក្សា។

• 

• 

• 

• 

• 

• 

• 

• 

• 

• 

• 

• 

• 

(ITC-Phnom Penh) ៖ នាព្រឹកថ្ងៃទី០៤ ខែមករា ឆ្នាំ២០២៤ ឯកឧត្តមសាស្រ្តាចារ្យ ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា (សាលាតិចណូ) បានអញ្ជើញជាអធិបតីក្នុងសិក្ខាសាលាស្តីពីការអភិវឌ្ឍអាជីពគ្រូបង្រៀន « Teacher Professional Development » សម្រាប់គ្រូបង្រៀនថ្មី និងនិស្សិតថ្នាក់បណ្ឌិត ចំនួន៣០នាក់ ក្នុងគោលបំណងបង្ហាញពីសារៈសំខាន់ នៃវិធីសាស្ត្របង្រៀន សម្រាប់បរិបទនៃបំណិនសទវត្សទី២១ ការពង្រឹងសមត្ថភាព និងគុណភាពក្នុងការបង្រៀន និងការចងក្រងស្នាដៃបង្រៀន និងរៀនជាទំរង់ ePortfolio។

តាមរយៈបទបង្ហាញរបស់ក្រុមគ្រូបង្គោលដែលបានទទួលការបណ្តុះបណ្តាលពីសាកលវិទ្យាល័យអប់រំហុងកុង(EdUHK) ខ្លឹមសារសំខាន់ៗរួមមាន (1) មេរៀន e-Learning សម្រាប់គ្រូបង្រៀនស្វែងយល់ដើម្បីអភិវឌ្ឍការបង្រៀនរបស់ខ្លួន (2) ផលបត្រឌីជីថត(ePortfolio) របស់គ្រូបង្រៀន និងនិស្សិត (3) កិច្ចការរៀនសូត្រអំពីដំណើរទស្សនកិច្ច របស់ក្រុមគ្រូបង្គោល (Master Teacher) ទៅកាន់ EdUHK កាលពីចុងឆ្នាំ២០២៣កន្លងទៅនេះទាក់ទងនឹងការអនុវត្ត ePortfolio និងការរៀបចំថ្នាក់រៀនឱ្យស្របតាម វិធីសាស្ត្របង្រៀនសម្រាប់បំណិនសតវត្សទី២១។ ក្រោយពីបានស្តាប់បង្ហាញ សិក្ខាកាមបានបង្ហាញចំណាប់ អារម្មណ៍ និងការតាំងចិត្តក្នុងការបង្កើត ePortfolio របស់ខ្លួន ព្រមទាំងជួយជំរុញទឹកចិត្តនិស្សិតឱ្យបង្កើត ePortfolio នេះផងដែរ។

នៅចុងបញ្ចប់នៃកម្មវិធី ឯកឧត្តមនាយកវិទ្យាស្ថានបានរំលេច អំពីអត្ថប្រយោជន៍នៃការប្រើប្រាស់ ePortfolio ក្នុងការបង្ហាញសមិទ្ធិផល និងស្នាដៃរបស់គ្រូបង្រៀន និងនិស្សិត មិនត្រឹមតែក្នុងកិច្ចការបង្រៀន និងរៀនប៉ុណ្ណោះទេ ថែមទាំងកិច្ចការផ្សេងៗទៀត អាចបង្ហាញជូនដល់ ដៃគូរអភិវឌ្ឍន៍ និងក្រុមហ៊ុនដែលជានិយោជកផងដែរ។

• 

• 

• 

• 

• 

• 

• 

• 

• 

(ITC-Phnom Penh): នាថ្ងៃទី២៥ ខែធ្នូ ឆ្នាំ២០២៣ ឯកឧត្តមសាស្រ្តាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា (សាលាតិចណូ) បានអញ្ជើញទទួលស្វាគមន៍ថ្នាក់ដឹកនាំ និងតំណាងមកពីបណ្តាក្រុមហ៊ុន សហគ្រាស និងរោងចក្រឧស្សាហកម្ម សរុបចំនួន ៣៦នាក់ ដើមី្បបង្ហាញសមិទ្ធិផល និងផលជៈរបស់សមាសភាគ ២ នៃគម្រោងកែលម្អការអប់រំឧត្តមសិក្សា ក៏ដូចជាការលើកស្ទួយនិងលើកកម្ពស់ការស្រាវជ្រាវ ការអភិវឌ្ឍធនធានមនុស្សដែលពោលពេញដោយចំណេះដឹងនិងចំណេះធ្វើ ការអភិវឌ្ឍសំណាកគំរូផលិតផលស្រាវជ្រាវ ការបោះពុម្ពផ្សាយអត្ថបទស្រាវជ្រាវវិទ្យាសាស្ត្រជាតិនិងអន្តរជាតិ ការបង្កើតមន្ទីរពិសោធន៍ និងការចូលរួមចំណែកអភិវឌ្ឍសេដ្ឋកិច្ចជាតិក្នុងវិស័យ STEM។ ជាមួយគ្នានេះផងដែរ ឯកឧត្តមសាស្រ្តាចារ្យបណ្ឌិត ក៏បានលើកឡើងពីកិច្ចការងារបន្តក្នុងគម្រោងកែលម្អការអប់រំឧត្តមសិក្សាវគ្គទី ២ សម្រាប់កិច្ចសហប្រតិបត្តិការណ៍រវាងវិទ្យាស្ថានបច្ចេកវិទ្យាកម្ពុជានិងក្រុមហ៊ុន សហគ្រាស និងរោងចក្រឧស្សាហកម្ម ឱ្យកាន់តែស្អិតរមួលក្នុងការកែលម្អសំណាកគំរូផលិតផលស្រាវជ្រាវ និងសេវាកម្មបន្ថែមទៀតសម្រាប់ទីផ្សារកម្ពុជា។

បន្ទាប់ពីសុន្ទរកថាស្វាគមន៍ លោកសាស្ត្រាចារ្យរង បណ្ឌិត អោ ច័ន្ទម៉ូលី  ប្រធានមជ្ឈមណ្ឌលស្រាវជ្រាវនិងនវានុវត្តន៍ បានបង្ហាញពីសាវតារបស់គម្រោងកែលម្អការអប់រំឧត្តមសិក្សាថា គម្រោងនេះត្រូវបានអនុវត្តឡើងក្នុងរយៈពេល ៦ ឆ្នាំ ចាប់ពីឆ្នាំ២០១៨ ដល់ឆ្នាំ២០២៤ ក្នុងថិវិកា ៩២ លានដុល្លាសហរដ្ឋអាមេរិច សម្រាប់វិស័យឧត្តមសិក្សាកម្ពុជា ដែលក្នុងនោះ វិទ្យាស្ថានបច្ចេកវិទ្យាកម្ពុជាទទួលបានកញ្ចប់ថិវិកា ២២.៥ លានដុល្លាសហរដ្ឋអាមេរិច សម្រាប់ការកែលម្អការអប់រំ អភិបាលកិច្ច ហេដ្ឋារចនាសម្ព័ន្ធ ការស្រាវជ្រាវ និងមន្ទីរពិសោធន៍ (កញ្ចប់ថិវិកាស្រាវជ្រាវ ៧.៩ លានដុល្លាសហរដ្ឋអាមេរិច)។ លោកសាស្ត្រាចារ្យបានគូសបញ្ជាក់លំអិតបន្ថែមទៀត នូវសមិទ្ធិផល និងផលជៈរបស់សមាសភាគ ២ ដូចជា៖ ការផលិតនិងបង្កើតនូវសំណាកគំរូផលិតផលស្រាវជ្រាវចំនួន ២២ មន្ទីរពិសោធន៍ថ្មីចំនួន ១២ អត្ថបទស្រាវជ្រាវវិទ្យាសាស្ត្រជាតិចំនួន ១៨ អត្ថបទស្រាវជ្រាវវិទ្យាសាស្ត្រអន្តរជាតិចំនួន ៥៤ អត្ថបទសន្និសីទជាតិនិងអន្តរជាតិចំនួន ១៩២ និងការចូលរួមក្នុងការដោះស្រាយបញ្ហាបច្ចេកទេសក្នុងសង្វាក់ផលិតកម្មនិងសេវាកម្មផ្សេងៗ។ លោកសាស្ត្រាចារ្យក៏បានសង្កត់ធ្ងន់ថា សមិទ្ធផលទាំងនេះអាចសម្រេចទៅបានដោយមានការណែនាំពីថ្នាក់ដឹកនាំ កិច្ចខំប្រឹងប្រែងរបស់ក្រុមការងារគម្រោងស្រាវជ្រាវចំនួន ២៥ អនុគម្រោង និងការចូលរួមសហការពីក្រុមហ៊ុន សហគ្រាស រោងចក្រឧស្សាហកម្ម និងស្ថាប័នជាដៃគូរ។ បន្ថែមពីនេះ គម្រោងកែលម្អការអប់រំឧត្តមសិក្សាវគ្គទី ២ នឹងត្រូវបានអនុវត្តក្នុងពេលឆាប់ៗនេះ ដែលត្រូវការជាចាំបាច់នូវការសហការនិងចូលរួមបន្ថែមទៀតពីវិស័យឯកជន។

បន្ទាប់មកយើងមានការធ្វើបទបង្ហាញខ្លីៗស្តីអំពីសកម្មភាពដែល មជ្ឈមណ្ឌលស្រាវជ្រាវនិងនវានុវត្តន៍ នៃវិទ្យាស្ថានបច្ចេកវិទ្យាកម្ពុជា បានធ្វើការសហការជាមួយនឹងក្រុមហ៊ុន ព័ត៌មានអំពីសេវាកម្ម  ការបណ្តុះបណ្តាល និងការស្រាវជ្រាវតាមរយៈ ២៥ អនុគម្រោងស្រាវជ្រាវ នៃគម្រោងកែលម្អការអប់រំឧត្តមសិក្សា ប្រចាំវិទ្យាស្ថានបច្ចេកវិទ្យាកម្ពុជា។

ដើមី្បប្រមូលធាតុចូលឱ្យកាន់តែលំអិតស្តីពីការស្រាវជ្រាវសម្រាប់សក្តានុពលនៃការវិនិយោគរួមគ្នា និងការស្វែងយល់ពីគម្រោងស្រាវជ្រាវជាមួយលទ្ធភាពនៃការបង្កើតប្រកាសនីយបត្រតក្កកម្ម ផលិតផលថ្មី សេវាកម្ម ការផ្ទេរបច្ចេកវិទ្យា រួមគ្នាជាមួយដៃគូសហគ្រាសធុនតូចនិងមធ្យម និងវិស័យឯកជន ក្នុងគម្រោងកែលម្អការអប់រំឧត្តមសិក្សាវគ្គទី ២ ក៏ដូចជាគម្រោងស្រាវជ្រាវផ្សេងៗទៀត យើងក៏បានរៀបចំក្រុមពិភាក្សាតាមការិយាល័យស្រាវជ្រាវទាំង ៥ ៖

• ការិយាល័យស្រាវជ្រាវ៖ វិទ្យាសាស្ត្ររូបធាតុនិងគ្រឿងបង្គុំ (MSS)
• ការិយាល័យស្រាវជ្រាវ៖ បច្ចេកវិទ្យាអាហារនិងអាហារូបត្ថម្ភ (FTN)
• ការិយាល័យស្រាវជ្រាវ៖ ទឹក និងបរិស្ថាន (WAE)
• ការិយាល័យស្រាវជ្រាវ៖ មេកាត្រូនិចនិងបច្ចេកវិទ្យាពត៌មាន (MIT)
• ការិយាល័យស្រាវជ្រាវ៖ បច្ចេកវិទ្យានិងការគ្រប់គ្រងថាមពល (ETM)

ធាតុចូលដែលទទួលបានពីក្រុមហ៊ុនទាំងនេះ នឹងត្រូវបានប្រើប្រាស់ជាប្រយោជន៍សម្រាប់សម្រួចការស្រាវជ្រាវនៅសាលាតិចណូឱ្យកាន់តែមានប្រសិទ្ធិភាពខ្ពស់ ឆ្ពោះទៅរកការអភិវឌ្ឍធនធានមនុស្ស ផលិតភាពការងារ ផលិតភាពផលិតផល និងកំណើនសេដ្ឋកិច្ចជាតិ។

• 

• 

• 

• 

• 

• 

• 

• 

• 

• 

• 

• 

(ITC-Phnom Penh)៖  សិក្ខាសាលាស្តីអំពី Key Performance Indicator នៃអ្នកស្រាវជ្រាវ ត្រូវបានរៀបចំទ្បើងដោយ មជ្ឈមណ្ឌលស្រាវជ្រាវ និងនវានុវត្ត នៅថ្ងៃទី១៥ ខែធ្នូ ឆ្នាំ២០២៣ ក្រោមអធិបតីភាពរបស់ឯកឧត្តមសាស្រ្តាចារ្យ ប៉ូ គឹមថូ នាយកនៃវិទ្យាស្ថានបច្ចេកវិទ្យាកម្ពុជា ក្នុងគោលបំណងរួមមាន (១) បង្ហាញអំពីផែនការយុទ្ធសាស្រ្ត១០ឆ្នាំរបស់មជ្ឈមណ្ឌលស្រាវជ្រាវ និងនវានុវត្ត និងការគ្រប់គ្រងមន្ទីរពិសោធន៏ ដោយលោកស្រីបណ្ឌិត តាន់ រស្មី អនុប្រធានមជ្ឈមណ្ឌលស្រាវជ្រាវ និងនវានុវត្ត (២) បង្ហាញអំពីមជ្ឈមណ្ឌលស្រាវជ្រាវ និងនវានុវត្ត និង Key Performance Indicator សម្រាប់វាយតម្លៃសមត្ថភាពរបស់អ្នកស្រាវជ្រាវ ដោយលោកបណ្ឌិត អោ ច័ន្ទម៉ូលី ប្រធានមជ្ឈមណ្ឌលស្រាវជ្រាវ និងនវានុវត្ត (៣) បង្ហាញអំពីសៀវភៅណែនាំប្រតិបត្តិការស្រាវជ្រាវ តួនាទីរបស់អ្នកស្រាវជ្រាវ និងព្រឹត្តការណ៏ប្រចាំឆ្នាំរបស់មជ្ឈមណ្ឌលស្រាវជ្រាវ និងនវានុវត្ត ដោយលោកបណ្ឌិត យស់ ផានី អនុប្រធានមជ្ឈមណ្ឌលស្រាវជ្រាវ និងនវានុវត្ត (៤) ផ្តល់ប័ណ្ណសរសើរដល់អ្នកស្រាវជ្រាវ៣នាក់មាន៖  កញ្ញាបណ្ឌិត ហុឺ រីណា លោកស្រីបណ្ឌិត VONGCHANH Kinnaleth និងលោកស្រី ហង្ស លក្ខិណា ដែលជាអ្នកស្រាវជ្រាវឆ្នើម (Outstanding performance researchers) និងផ្តល់លិខិតសរសើរដល់អ្នកស្រាវជ្រាវ៧នាក់មាន៖  លោក គង់ សិលា លោកបណ្ឌិត សុខ ទី លោកបណ្ឌិត មិត្ត ហាសិកា លោកបណ្ឌិត ដួង រដ្ឋា លោក ហម ផល្លី លោកស្រីបណ្ឌិត សួង ម៉ាលីណា និងលោក គឹម ទ្បេងថុង ដែលជាអ្នកស្រាវជ្រាវសកម្ម (Active performance researchers) ក្នុងឆ្នាំសិក្សា២០២២-២០២៣។

បន្ថែមពីនេះទៀត ឯកឧត្តមសាស្រ្តាចារ្យ ប៉ូ គឹមថូ ក៏បានបង្ហាញអំពីផែនការយុទ្ធសាស្រ្តរបស់វិទ្យាស្ថាន ផ្តល់ការលើកទឹកចិត្ត និងផ្តល់អនុសាសន៏ជាច្រើនដល់អ្នកស្រាវជ្រាវ និងគណៈគ្រប់គ្រងនៃមជ្ឈមណ្ឌលស្រាវជ្រាវ និងនវានុវត្តក្នុងការស្រាវជ្រាវអោយចេញជាផ្លែផ្កា សាមគ្គីរវាងគ្នានឹងគ្នា និងការពង្រីកកិច្ចសហប្រតិបត្តិការរវាងផ្នែកស្រាវជ្រាវទាំង៥ ជាមួយសាលាដៃគូផ្សេងៗ និងជាមួយក្រសួងពាក់ព័ន្ឋ ដើម្បីឆ្ពោះទៅដល់ការទទួលស្គាល់ក្នុងតំបន់ និងអន្តរជាតិ។

• 

• 

• 

• 

• 

• 

• 

• 

• 

• 

• 

• 

(ITC-Phnom Penh): នារសៀលថ្ងៃព្រហស្បតិ៍ ២កើត ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៤ ខែធ្នូ ឆ្នាំ២០២៣ លោកបណ្ឌិត ងួន កុល្លិកា នាយរងកវិទ្យាស្ថានបច្ចេកវិទ្យាកម្ពុជា បានអញ្ជើញទទួលស្វាគមន៍លោកស្រី Philippine GUILLAUME ប្រធានទំនាក់ទំនងកិច្ចការអឺរ៉ុប និងអន្តរជាតិ និងលោកស្រី Violaine GROLLIER ទទួលបន្ទុកកិច្ចការបណ្តុះបណ្តាល និងកម្មវិធីសញ្ញាបត្រពីរ នៃ Nantes Université ។

ការជួបពិភាក្សានេះគឺដើម្បីបន្តពង្រឹងនិងពង្រីកកិច្ចសហប្រតិបត្តិការរវាងស្ថានប័នទាំងពីរ បន្ទាប់ពីកិច្ចសហការលើការអនុវត្តគម្រោង Eurasmus Plus GREEN Cap ដែលទើបនឹងបញ្ចប់។ លោកបណ្ឌិត ងួន កុល្លិកា ក៏បានអនុញ្ញាតអោយក្រុមការងារសាលាតិចណូធ្វើបទបង្ហាញលើទិដ្ឋភាពទូទៅនៃសាលាតិចណូ។

ចំណែកឯលោកស្រី Philippine GUILLAUME បានលើកឡើងអំពីភាពស្រដៀងគ្នានៃរចនាសម្ព័ន្ធគ្រប់គ្រង និងកម្មវិធីសិក្សាក៏ដូចជាការស្រាវជ្រាវ ដែលធ្វើអោយសាលាទាំងពីរមានភាពងាយស្រួលក្នុងការធ្វើការរួមគ្នា ដូចជាការផ្លាស់ប្តូនិស្សិត គ្រូបង្រៀននិងអ្នកស្រាវជ្រាវ និងការបង្កើតកម្មវិធីរួមគ្នាជាដើម។ Nantes Université ក៏ស្នើអោយមានការពិភាក្សាបន្ថែមលើកម្មវិធី សញ្ញាបត្រពីរ រួមគ្នាជាមួយសាលាក្រោយបរិញ្ញាបត្រនៃសាលាទាំងពីរ។ លោកស្រី Philippine បានស្នើអោយតិចណូចូលរួមលើកសំណើគម្រោងរួមគ្នាបន្តក្នុងកម្មវិធី Erasmus Key Action 1: Learning Mobility of Individuals ដែលនឹងចាប់ផ្តើមនៅខែមករាឆ្នាំ២០២៤ខាងមុខនេះ។

ជាការឆ្លើយតប លោកបណ្ឌិត ងួន កុល្លិកា បានគាំទ្រលើសំណើនេះ និងបានជម្រុញអោយសាលាក្រោយបរិញ្ញាបត្រនិងដេប៉ាតឺម៉ង់ផ្សេងៗធ្វើការទំនាក់ទំនងជាមួយអ្នកពាក់ព័ន្ធនៃ Nantes Université តាមរយៈអ្នកទទួលបន្ទុកទំនាក់ទំនង និងសហប្រតិបត្តិការអន្តរជាតិនៃសាលាទាំងពីរ។

• 

• 

• 

• 

(ITC-Hong Kong) គ្រូបង្គោលនៃវិទ្យាស្ថានបច្ចេកវិទ្យាកម្ពុជារួមមាន លោកបណ្ឌិត អេង ចាន់ឌឿន, លោកបណ្ឌិត ហ៊ិន រ៉ាវេទ, លោកស្រីបណ្ឌិត ខឿន គឹមលាង, កញ្ញាបណ្ឌិត កេតុ ពិណ្ណារ៉ា, លោកបណ្ឌិត ភោគ សុខខី, និងលោកស្រី សៀវ ស្រីមាន រួមទាំងគ្រូបង្គោលចំនួន 13នាក់ទៀត ដែលអញ្ចើញមកពីសាលកវិទ្យាល័យផ្សេងទៀត ក្នុងក្របខណ្ឌគម្រោងកែលម្អការអប់រំឧត្តមសិក្សា(HEIP) សម្រាប់ Centre of Excellence in Higher Education Teaching and Learning Innovations (CEHELTI) ត្រូវបានជ្រើសរើសដោយសាកលវិទ្យាល័យអប់រំហុងកុង (Education University of Hong Kong) ឱ្យទទួល First Digital Teaching Portfolios Award និងចូលរួមសិក្ខាសាលាស្តីពី ePortfolio សម្រាប់គ្រូ និងនិស្សិត ពីថ្ងៃទី១៣ ដល់ ១៥ ខែធ្នូ ឆ្នាំ២០២៣ នៅទីក្រុងហុងកុង។

គោលបំណងនៃបេសកកម្មនេះរួមមាន (១) ទទួលស្គាល់សា្នដៃរបស់គ្រូបង្គោលដែល បានបង្កើត Teacher ePortfolio របស់ខ្លួន (២) ពិភាក្សា និងចែករំលែកពីសារៈ សំខាន់នៃការប្រើប្រាស់ ePorfolios ក្នុងការបង្រៀននិងរៀន (៣) រៀបចំផែនការ គាំទ្រសាស្រ្តាចារ្យក្នុងការបង្កើត Teacher ePorfolios ផ្ទាល់ខ្លួន (៤) រៀបចំផែនការ គាំទ្រនិស្សិតក្នុងការរៀបចំ ePorfolios របស់ខ្លួន។

សូមបញ្ជាក់ជូនថា ePortfolio (ផលបត្រ) គឺជាឧបករណ៍ចម្រុះដែលអាចជាសំណុំឯកសារឬវែបសាយដែលបង្ហាញពីស្នាដៃ និងដំណើរការសិក្សា/ការងាររបស់បុគ្គល/ក្រុម ដើម្បីបង្ហាញពីចំណេះ ជំនាញ និងបទពិសោធន៍។ វាចូលរួមក្នុងការអភិវឌ្ឍន៍ខ្លួន និងវិជ្ជាជីវៈ ជួយសម្រេច បានការរៀនសូត្រកាន់តែស៊ីជម្រៅតាមរយៈការឆ្លុះបញ្ចាំង និងអភិវឌ្ឍជំនាញ សិក្សាពេញមួយជីវិត។ វាក៏ផ្តល់នូវសក្ខីភាពជាក់ស្តែងនៃសមត្ថភាពការងារ និងបង្ហាញជារូបភាពយ៉ាងទូលំទូលាយដល់និយោជក ឬស្ថាប័នអប់រំ អំពីសក្តានុពល របស់ខ្លួន។

• 

• 

• 

• 

• 

• 

• 

•