Category: News

(វបក-ភ្នំពេញ)៖ នៅព្រឹកថ្ងៃអង្គារ ៤រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៥ ខែមិថុនា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញសម្ពោធដាក់ឱ្យប្រើប្រាស់ជាផ្លូវការនូវបណ្តាញសាកលវិទ្យាល័យសាយប័រកម្ពុជា។ ពិធីនេះរៀបចំឡើងនៅវិទ្យាស្ថានបច្ចេកវិទ្យាកម្ពុជា (សាលាតិចណូ)។

ការបង្កើតបណ្តាញសាកលវិទ្យាល័យសាយប័រកម្ពុជា (ប.ស.ស.ក) គឺជាកិច្ចប្រឹងប្រែងថ្មីមួយទៀតរបស់រាជរដ្ឋាភិបាលកម្ពុជា ដែលមានក្រសួងអប់រំយុវជន និងកីឡា ជាសេនាធិការ ដើម្បីលើកកម្ពស់ការអប់រំនៅកម្ពុជាឱ្យស្របតាមការរីកចម្រើនផ្នែកបច្ចេកវិទ្យា។

គួរំលឹកថា ប.ស.ស.ក មានគ្រឹះស្ថានឧត្តមសិក្សាចំនួន ១២ ជាសមាជិក រួមមាន៖

1. វិទ្យាស្ថានបច្ចេកវិទ្យាកម្ពុជា

2. សាកលវិទ្យាល័យភូមិន្ទភ្នំពេញ

3. សាកលវិទ្យាល័យ ស្វាយរៀង

4. សាកលវិទ្យាល័យ ហេង សំរិន ត្បូងឃ្មុំ

5. សាកលវិទ្យាល័យភូមិន្ទកសិកម្ម

6. សាកលវិទ្យាល័យជាតិបាត់ដំបង

7. វិទ្យាស្ថានគរុកោសល្យបាត់ដំបង

8. សាកលវិទ្យាល័យអង្គរ

9. សាកលវិទ្យាល័យអន្តរជាតិភ្នំពេញ

10. សាកលវិទ្យាល័យជាតិគ្រប់គ្រង

11. សាកលវិទ្យាល័យជាតិ ជា ស៊ីម កំចាយមារ

12. សាកលវិទ្យាល័យក្រចេះ

ប.ស.ស.ក មានតួនាទីធ្វើការបណ្តុះបណ្តាលពីចម្ងាយតាមប្រព័ន្ធបច្ចេកវិទ្យាគមនាគមន៍និងព័ត៌មាន និងបច្ចេកវិទ្យា ឌីជីថល លើវគ្គសិក្សា និងមុខវិទ្យានិង/ឬមុខជំនាញនៃកម្មវិធីសិក្សា ដែលទទួលបានអាជ្ញាប័ណ្ណពីក្រសួងអប់រំ យុវជន និងកីឡា ឬ ពីរាជរដ្ខាភិបាលរួចហើយ។

ក្នុងឱកាសដ៏វិសេសវិសាលនេះ សម្តេចធិបតី ហ៊ុន ម៉ាណែត បានវាយតម្លៃខ្ពស់ចំពោះអ្វីៗដែលកូនខ្មែរអាចធ្វើបាន៖ “កាលពីពេលមុនខ្ញុំធ្លាប់របស់មួយចំនួនធ្វើនៅបរទេស តែឥឡូវយើងអាចធ្វើបានដោយខ្លួនឯង”

សម្តេចធិបតី ក៏បានថ្លែងយ៉ាងដូច្នេះថា ជាមួយនឹងសមិទ្ធផលជាច្រើនក្នុងវិស័យអប់រំ ខ្ញុំសុំផ្តល់នូវទស្សនៈ និងអនុសាសន៍មួយចំនួន ដើម្បីលើកកម្ពស់វិស័យដ៏មានសារៈសំខាន់នេះ ដូចខាងក្រោម៖

ទី១. ខ្ញុំសូមលើកទឹកចិត្តឱ្យបណ្តាញសាកលវិទ្យាល័យសាយប័រកម្ពុជា និងជាវិស័យឯកជន បន្តធ្វើបច្ចុប្បន្នកម្មប្រព័ន្ធសិក្សាឱ្យកាន់តែប្រសើរ និងអភិវឌ្ឍន៍កម្មវិធីសិក្សាថ្មីៗ ដោយផ្តោតការយកចិត្តទុកដាក់បន្ថែមលើចំណេះដឹង និងជំនាញផ្នែកបច្ចេកវិទ្យា និងឌីជីថលស្របតាមបរិបថនៃការរីកចម្រើននៃសេដ្ឋកិច្ច និងសង្គម ការប្រែប្រួលអាកាសធាតុ ការប្រកួតប្រជែង នៃទីផ្សារ និងសាកលភាវូពាណិជ្ជកម្ម។

ទី២. ខ្ញុំសុំស្នើឱ្យក្រសួងអប់រំ យុវជន និងកីឡា និងក្រសួងស្ថាប័នពាក់ព័ន្ធទាំងរដ្ឋ និងឯកជន ចូលរួមអនុវត្តឱ្យបានដោយប្រសិទ្ធភាពខ្ពស់នូវវិធានការដែលបានដាក់ចេញក្នុងក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥ និងគោលនយោបាយរដ្ឋាភិបាលឌីជីថលកម្ពុជា ឆ្នាំ២០២២-២០៣៥ ដើម្បីទាញយកផលជាអតិបរមាពីការធ្វើបដិវត្តកម្មឌីជីថលកម្ពុជា។

ទី៣. ខ្ញុំសូមជំរុញ និងលើកទឹកចិត្តដល់គ្រឹះស្ថានឧត្តមសិក្សាទាំងអស់ បង្កើនកិច្ចសហប្របត្តិការជាមួយគ្រឹះស្ថានអប់រំ និងគ្រឹះស្ថានស្រាវជ្រាវជាតិ និងអន្តរជាតិ ដើម្បីធ្វើការសិក្សារួមគ្នា ដកស្រង់បទពិសោធន៍ និងធ្វើទស្សនកិច្ចទៅវិញទៅមក ដើម្បីទទួលបានចំណេះដឹងថ្មីៗ បទពិសោធន៍ជាក់ស្តែង និងឧត្តមានុវត្តន៍ សំដៅបង្កើនគុណភាពសិក្សា អប់រំ ការបណ្តុះបណ្តាល និងការសិក្សាស្រាវជ្រាវឱ្យកាន់តែប្រសើរ។

ទី៤. សូមលើកទឹកចិត្តដល់គ្រឹះស្ថានឧត្តមសិក្សាបន្តសហការ និងលើកស្ទួយវិស័យអប់រំ និងការបណ្តុះបណ្តាលឱ្យកាន់តែល្អប្រសើរ តាមរយៈការផ្តល់សេវាបង្រៀនប្រកបដោយគុណភាពខ្ពស់ និងកិច្ចខិតខំបន្តអភិវឌ្ឍន៍សមត្ថភាពជាប្រចាំ ព្រមទាំងយកចិត្តទុកដាក់លើធនធានយុវជនសម្រាប់ជាអ្នកបន្តវេន និងជាសរសរទ្រូងដ៏រឹងមាំ សំដៅឈានឆ្ពោះដល់ការសម្រេចបានចក្ខុវិស័យកម្ពុជា ឆ្នាំ២០៥០ ជាប្រទេសមានចំណូលខ្ពស់ប្រកបដោយអរិយធម៌រុងរឿង។

English	France
CA 2024_General and pedagogical documents	CA 2024_Document général et dossier pédagogique
CA 2024_Report of Director	CA 2024_Rapport d’activités

ពិធីបើកគម្រោងស្រាវជ្រាវជាផ្លូវការ៖ មន្ទីរពិសោធន៍ឧត្តមភាពសហប្រតិបត្តិការវិស្វកម្មដើម្បីកសិកម្មប្រកបដោយចីរភាព

“Laboratory of Excellence in co-Engineering for Sustainable Agriculture – LMI LEAD”

នៅវិទ្យាស្ថានបច្ចេកវិទ្យាកម្ពុជា ដែលបាននឹងកំពុងប្រារព្ធធ្វើនៅថ្ងៃទី ២០-២១ ខែមិថុនា ឆ្នាំ២០២៤

———————————

(វបក-ភ្នំពេញ) ៖ នាព្រឹកថ្ងៃព្រហស្បតិ៍ ១៤កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែមិថុនា ឆ្នាំ២០២៤ នៅសាលប្រជុំ១០៩-អា ឯកឧត្តមសាស្រ្តាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា អញ្ជើញចូលរួមពិធីបើកគម្រោងស្រាវជ្រាវស្តីពី មន្ទីរពិសោធន៍ឧត្តមភាពសហប្រតិបត្តិការវិស្វកម្មដើម្បីកសិកម្មប្រកបដោយចីរភាព ត្រូវបាននឹងកំពុងរៀបចំឡើងដោយវិទ្យាស្ថានបច្ចេកវិទ្យា (ITC) និងវិទ្យាស្ថានស្រាវជ្រាវដើម្បីការអភិវឌ្ឍន៍ប្រកបដោយចីរភាពនៃប្រទេសបារាំង (IRD) សហការណ៍ជាមួយស្ថាប័នដៃគូផ្សេងៗទៀតរួមមាន សាកលវិទ្យាល័យជាតិបាត់ដំបង (NUBB) សាកលវិទ្យាល័យភូមិន្ទកសិកម្ម (RUA) មជ្ឈមណ្ឌលស្រាវជ្រាវកសិកម្មសម្រាប់ការអភិវឌ្ឍអន្តរជាតិនៃប្រទេសបារាំង (CIRAD) ដោយមានការគាំទ្រដោយក្រសួងអប់រំ យុវជន និងកីទ្បា (MoEYS) ក្រសួងកសិកម្ម រុក្ខាប្រម៉ាញ់ និងនេសាទ (MAFF) ក្រសួងឧស្សាហកម្ម បច្ចេកវិទ្យា វិទ្យាសាស្រ្ត និងនវានុវត្តន៍ (MISTI) ស្ថានទូតបារំាងប្រចាំប្រទេសកម្ពុជា និងទទួលបានធាតុចូលពីស្ថាប័ននិងអង្គការ ជាតិនិងអន្តរជាតិចំនួន06ផ្សេងទៀតបន្ថែមលើស្ថាប័នខាងលើ រួមមាន Université de Montpellier, International Rice Research Institute (IRRI), Sansom Mlup Prey Organization, GRET & AliSEA, Agronomes et Vétérinaires sans Frontières(AVSF) ជាដើម។

ពិធីបើកគម្រោងស្រាវជ្រាវនេះមានគោលបំណងដើម្បីប្រមូលផ្តុំអ្នកបង្កើតគោលនយោបាយ ស្ថាប័នសិក្សានិងស្រាវជ្រាវ និងវិស័យឯកជនមកពីបណ្តាញក្នុងស្រុក តំបន់ និងអន្តរជាតិដើម្បីចែករំលែកនិងពិភាក្សាអំពីការវាយតម្លៃបញ្ហាប្រឈមនានាក្នុងការអនុវត្តផលិតកម្មស្រូវប្រកបដោយនិរន្តរភាពនៅកម្ពុជាដើម្បីស្វែងរកដំណោះស្រាយរួមគ្នាប្រកបដោយប្រសិទ្ធភាពនិងនិរន្តរភាព។

ព្រឹតិ្តការណ៍នេះបាននិងកំពុងប្រព្រឹត្តទៅនៅវិទ្យាស្ថានបច្ចេកវិទ្យាកម្ពុជា (សាលាតិចណូ) ចាប់ពីថ្ងៃទី ២០-២១ ខែមិថុនា ឆ្នាំ២០២៤។ នៅថ្ងៃទី១ កម្មវិធីបានចាប់ផ្តើមជាមួយនឹងការប្រកាសបើកគម្រោងស្រាវជ្រាវក្រោមអធិបតីភាព ឯកឧត្តមបណ្ឌិត អ៊ុម រម្យណី រដ្ឋលេខាធិកាក្រសួងអប់រំ យុវជន និងកីឡា រួមនឹងគណៈប្រតិភូ០៦រូបទៀតរួមមាន ឯកឧត្តមបណ្ឌិត ចាន់ សារុទ្ធ អនុរដ្ឋលេខាធិកាក្រសួងកសិកម្ម រុក្ខាប្រម៉ាញ់ និងនេសាទ ឯកឧត្តមបណ្ឌិត គួក ហ្វីដេរ៉ូ អនុរដ្ឋលេខាធិកាក្រសួងឧស្សាហកម្ម បច្ចេកវិទ្យា វិទ្យាសាស្រ្ត និងនវានុវត្តន៍ និង លោកបណ្ឌិត ប៊ុន ឡុង នាយករកវិទ្យាស្ថានបច្ចេកវិទ្យាកម្ពុជា លោកស្រីសាស្រ្តាចារ្យ TRAN Thi Anh-Dao អនុព័ន្ធកិច្ចសហប្រតិបត្តិការវិទ្យាសាស្ត្រ និងសាកលវិទ្យាល័យនៃស្ថានទូតបារាំងប្រចាំនៅកម្ពុជា និងលោកស្រីសាស្រ្តាចារ្យ MARTIAL Adèle តំណាងIRD ប្រចាំប្រទេសកម្ពុជា។ កម្មវិធីបន្តបន្ទាប់ក្នុងថ្ងៃទី១បានបន្តដោយវេទិកាពិភាក្សាតុមូលចំនួនពីរ បន្តបង្ហាញលម្អិតពីសកម្មភាពស្រាវជ្រាវដោយសមាជិកគម្រោង និងបញ្ចប់ដោយទស្សនៈកិច្ចមន្ទីរពិសោធន៍ពាក់ព័ន្ធនៅវិទ្យាស្ថានបច្ចេកវិទ្យាកម្ពុជា។ កម្មវិធីថ្ងៃទី២ នឹងបន្តដោយការបង្ហាញវិធីសាស្រ្តចូលរួម (participatory approaches) ដែលនឹងបន្តការចូលរួមពីស្ថាប័នជាច្រើនផងដែរ។

គួរបញ្ជាក់ផងដែរថា គម្រោងស្រាវជ្រាវនេះបានទទួលការគាំទ្រហិរញ្ញវត្ថុពី IRD រយៈពេល ០៥ឆ្នាំចាប់ពីឆ្នាំ ២០២៤-២០២៨ (អាចនឹងបន្តបានប្រាំឆ្នាំទៀត) និងបាននឹងកំពុងដឹកនាំដោយសាស្ត្រាចារ្យជំនួយ បណ្ឌិត សួង ម៉ាលីណា អ្នកស្រាវជ្រាវផ្នែកបច្ចេកវិទ្យាអាហារនិងអាហារូបត្ថម្ភនៃវិទ្យស្ថានបច្ចេកវិទ្យាកម្ពុជា(ITC) និងដោយលោកបណ្ឌិត MOULIN Lionel (HDR) អ្នកស្រាវជ្រាវជាន់ខ្ពស់នៃ IRD។ លទ្ធផលរំពឹងទុកនៃគម្រោងទាំងមូលនឹងចូលរួមចំណែកជម្រុញដល់ការអនុវត្តផលិតកម្មស្រូវប្រកបដោយនិរន្តរភាពនៅកម្ពុជា និងក្នុងតំបន់។

(ITC-Phnom Penh): កាលពីព្រឹកថ្ងៃទី១៣ ខែមិថុនា ឆ្នាំ២០២៤ នៅសាលប្រជុំ១១០-អា វិទ្យាស្ថានបច្ចេកវិទ្យាកម្ពុជា និងភ្នាក់ងារឧត្តមសិក្សាប្រើប្រាស់ភាសាបារាំង បានចុះហត្ថេលេខាលើកិច្ចព្រមព្រៀងគាំទ្រដល់ការបណ្តុះបណ្តាលថ្នាក់បរិញ្ញាបត្រជាន់ខ្ពស់ជំនាញវិស្វកម្មរូបធាតុ និងគ្រឿងផ្គុំ នៃវិទ្យាស្ថានបច្ចេកវិទ្យាកម្ពុជា។

ពិធីនេះស្ថិតក្រោមអធិបតីភាព ឯកឧត្តមសាសស្រ្តាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា (សាលាតិចណូ) និង លោក អ៉ីម ក្រាវង្ស តំណាងភ្នាក់ងារឧត្តមសិក្សាប្រើប្រាស់ភាសាបារាំង (AUF) ប្រចាំនៅកម្ពុជា។

គម្រោង REFOPRO នេះមានរយៈពេលពីរឆ្នាំ។ គោលដៅចំបងគឺដើម្បីពង្រឹងមុខវិជ្ជាបង្រៀនដែលមានស្រាប់ ដើម្បីសម្របខ្លួនទៅនឹងការរៀនពីចម្ងាយ និង បន្ថែមមុខវិជ្ជាថ្មីស្តីពីការគ្រប់គ្រងហានិភ័យ ដែលផ្តល់ឱ្យនិស្សិតបញ្ចប់ការសិក្សារបស់យើងនូវជំនាញបច្ចេកទេសកម្រិតខ្ពស់ និងមានសមត្ថភាពបុរេសកម្មក្នុងវិជ្ជាជីវៈរបស់ពួកគេ។

——

(ITC-Phnom Penh) : Le jeudi 13 juin 2024, dans la salle de réunion 210-A, l’Institut de Technologie du Cambodge (ITC) et l’Agence Universitaire de la Francophonie (AUF) ont signé un accord de coopération visant à soutenir la formation de master en ingénierie des matériaux et des structures à l’ITC.

Cette cérémonie était sous la présidence de son excellence Prof. PO Kimtho, directeur de l’ITC et M. IM Kravong, représentant de l’AUF au Cambodge.

Ce projet REFOPRO dont l’objectif est de renforcer les unités d’enseignement (UE) existantes pour les adapter à la formation à distance et d’introduire une nouvelle UE sur la gestion des risques, offrant ainsi à nos diplômés des compétences techniques avancées et une aptitude proactive dans le milieu professionnel, dure deux ans.

( ITC-Phnom Penh)៖ នារសៀលថ្ងៃទី៧ ខែមិថុនា ឆ្នាំ២០២៤ នៅសាលប្រជុំ១១០-អា នៃវិទ្យាស្ថានបច្ចេកវិទ្យាកម្ពុជា ថ្នាក់ដឹកនាំកំពូលនៃ Institut de Technologie du Cambodge (ITC) និង Chitose Institute of Science and Technology (CIST) បានជួបប្រជុំគ្នាដើមី្បពិនិត្យលទ្ធភាពនៃការកសាងសហប្រតិបត្តិការជាមួយគ្នា។

ឯកឧត្តមសាស្ត្រាចារ្យបណ្ឌិត ប៉ូ គឹមថូ ថ្លែងសុន្ទរកថាស្វាគមន៍ប្រតិភូ CIST និងផ្តល់ព៌ត៌មានយ៉ាងទូលំទូលាយ ដោយរៀបរាប់លម្អិតអំពីកម្មវិធីសិក្សា និងគំនិតផ្តួចផ្តើមស្រាវជ្រាវរបស់ខ្លួន។ ឯកឧត្តមបានសង្កត់ធ្ងន់លើការប្តេជ្ញាចិត្តរបស់ ITC ក្នុងការជំរុញបច្ចេកវិទ្យា និងការច្នៃប្រឌិតតាមរយៈការអប់រំ និងការស្រាវជ្រាវរួមគ្នា។

រីឯលោកសាស្ត្រាចារ្យ Yoshikazu MIYANAGA ប្រធាន CIST ផ្តល់បទបង្ហាញយ៉ាងស៊ីជម្រៅអំពីប្រវត្តិនៃ CIST និងកម្មវិធីសិក្សាបច្ចុប្បន្នរបស់គ្រឹះស្ថាននេះ។ លោកលើកឡើងពីការវិវត្តន៍នៃ CIST ពីការបង្កើតរបស់ខ្លួនរហូតដល់ស្ថានភាពបច្ចុប្បន្នរបស់ខ្លួនក្នុងនាមជាអ្នកដឹកនាំក្នុងការអប់រំវិទ្យាសាស្ត្រ និងបច្ចេកវិទ្យានៅក្នុងប្រទេសជប៉ុន។ ការធ្វើបទបង្ហាញបានរៀបរាប់លម្អិតអំពីកម្មវិធីសិក្សាស្នូលរបស់វិទ្យាស្ថាន ដោយសង្កត់ធ្ងន់លើរបៀបដែលពួកគេត្រូវបានរៀបចំឡើង ដើម្បីជំរុញការច្នៃប្រឌិត និងជំនាញជាក់ស្តែង។

ឯកឧត្តមសាស្ត្រាចារ្យ ប៉ូ គឹមថូ រំលេចកម្មវិធីសិក្សា និងស្នើគំនិតផ្តួចផ្តើមមួយចចំនួនសម្រាប់កម្មវិធីរួមគ្នា និងគម្រោងស្រាវជ្រាវ។

បន្ទាប់ពីពិធីនេះ ប្រតិភូ CIST អញ្ជើញទៅទស្សនាទីពិសោធន៍របស់ ITC រួមមាន Nano Lab, e-Learning Center, DCLab និង EMC Lab ។

ជារួមកិច្ចប្រជុំបានបញ្ចប់ ដោយភាគីទាំងពីរសម្តែងការប្តេជ្ញាចិត្តចំពោះលក្ខខណ្ឌនៃ MOU និងរំពឹងថានឹងមានកិច្ចសហការប្រកបដោយផ្លែផ្កា។

(ITC-Phnom Penh)៖ នៅរសៀល ថ្ងៃព្រហស្បតិ៍ ៨រោច ខែពិសាខ ឆ្នាំរោង ឆស័ក ព.ស.២៥៦៨

នៅសាលប្រជុំ១១០-អា នៃវិទ្យាស្ថានបច្ចេកវិទ្យាកម្ពុជា ឯកឧត្តមសាស្រ្តាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា (ITC) បានទទួលស្វាគមន៍ប្រតិភូ ៥រូបមកពីវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា (ERIA)នៃប្រទេសជប៉ុន ដឹកនាំដោយលោក Koji Hachiyama។

គ្រឹះស្ថានទាំងពីរ បានចុះហត្ថលេខាលើអនុស្សរណៈនៃការយោគយល់គ្នា (MoU) ដើម្បីបង្កើត ERIA Digital Innovation and Sustainable Economy Centre (E-DISC)។

ការឈានដល់ការចុះហត្ថលេខាលើឯកសារផ្លូវការនេះ បង្ហាញពីការប្តេជ្ញាចិត្តរបស់ស្ថាប័នទាំងពីរក្នុងការសហការគ្នាលើការលើកកម្ពស់ការច្នៃប្រឌិតឌីជីថល និងការអភិវឌ្ឍសេដ្ឋកិច្ចប្រកបដោយនិរន្តរភាពនៅក្នុងតំបន់អាស៊ាន និងអាស៊ីបូព៌ា។ E-DISC ជាវេទិកាសម្រាប់ការស្រាវជ្រាវរួមគ្នា ការចែករំលែកចំណេះដឹង និងគំនិតផ្តួចផ្តើមអភិវឌ្ឍន៍ធនធានមនុស្ស។

ដើម្បីចាប់ផ្តើមកិច្ចសហប្រតិបត្តិការនេះ ការពិភាក្សាតុមូលមួយមានចំណងជើងថា “ការច្នៃប្រឌិតឌីជីថល និងសេដ្ឋកិច្ចប្រកបដោយនិរន្តរភាពនៅក្នុងតំបន់អាស៊ាន និងអាស៊ីបូព៌ា (រួមទាំងការអភិវឌ្ឍន៍ធនធានមនុស្សឌីជីថល)” នឹងមានការចូលរួមពីលោកបណ្ឌិត Rashesh Shresta សេដ្ឋវិទូនៅ ERIA និងលោក ឡាយ ហេង ព្រឹទ្ធបុរសនៃ មហាវិទ្យាល័យវិស្វកម្មពត័មានវិទ្យានៅ ITC ដោយមានការសម្របសម្រួលការសន្ទនាជាមួយលោក Fusanori Iwasaki អ្នកស្រាវជ្រាវនៅ ERIA។ MoU គូសបញ្ជាក់ពីផ្នែកសំខាន់ៗនៃកិច្ចសហប្រតិបត្តិការលើសពីតុមូល រួមទាំងការស្រាវជ្រាវរួមគ្នាលើបច្ចេកវិទ្យា និងការច្នៃប្រឌិតឌីជីថល ការផ្សព្វផ្សាយលទ្ធផលស្រាវជ្រាវទៅកាន់អ្នកបង្កើតគោលនយោបាយ ការលើកកម្ពស់ការអភិវឌ្ឍធនធានមនុស្សសម្រាប់យុគសម័យឌីជីថល ការសហការរៀបចំព្រឹត្តិការណ៍ដូចជាសិក្ខាសាលា និងសន្និសីទ និងការស្វែងរកគម្រោងបន្ថែម។

បន្ទាប់ពីកិច្ចពិភាក្សាតុមូល លោក Daisuke Nakayama ប្រធានគ្រប់គ្រងការច្នៃប្រឌិតឌីជីថល និងសេដ្ឋកិច្ចប្រកបដោយនិរន្តរភាពនៅ ERIA និងលោកបណ្ឌិត ប៊ុន ឡុង នាយករងនៃ ITC បានថ្លែងសុន្ទរកថាបិទប្រកបដោយការវាយតម្លៃខ្ពស់ចំពោះកិច្ចខិតខំរបស់ក្រុមការងារនៃភាគីទាំងពីរ។

(ITC-Phnom Penh)៖ នារសៀលថ្ងៃអង្គារ ៦រោច ខែពិសាខ ឆ្នាំរោង ឆស័កព.ស.២៥៦៨ ត្រូវនឹងថ្ងៃទី ២៨ ខែឧសភា ឆ្នាំ២០២៤ លោកបណ្ឌិត ងួន កុល្លិកា នាយករងវិទ្យាស្ថានបច្ចេកវិទ្យាកម្ពុជា និងជាតំណាងឯកឧត្តមបណ្ឌិតសាស្រ្តចារ្យ ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា (សាលាតិចណូ) បានទទួលស្វាគមន៍លោកសាស្រ្តាចារ្យពីររូប មកពីសាកលវិទ្យាល័យ៖ Tongji University នៃប្រទេសចិន។

បើយោងតាមសមភាគី គោលបំណងសំខាន់នៃវត្តមានរបស់ប្រតិភូគឺចង់សហការជាមួយវិទ្យាស្ថានបច្ចេកវិទ្យាកម្ពុជា ក្នុងជំនាញវិស្វកម្មស្ថាបត្យកម្ម។ កិច្ចសហប្រតិបត្តិការចង់ផ្តោតលើវិស័យនេះក្រោមហេតុផលថាប្រទេសកម្ពុជាបច្ចុប្បន្នមានគម្រោងជាច្រើនពាក់ព័ន្ធនឹងនគររូបនីយកម្ម ដែលមានការចូលរួមពីប្រទេសចិន។

ជាការឆ្លើយតបលោកបណ្ឌិតនាយករងបានថ្លែងអំណរគុណចំពោះការសម្លឹងឃើញសាលាតិចណូដើមី្បពិនិត្យមើលឱកាសធ្វើការរួមគ្នា ដូចជាការផ្លាស់ប្តូរនិសិ្សត-សាស្រ្តាចារ្យ និងការធ្វើការស្រាវរួមគ្នា។ លោកនាយករងក៏បានបញ្ជាក់ថាមហាវិទ្យាល័យសំណង់សាលាតិចណូមានដេប៉ាតឺម៉ង់ចំនួន៣គឺ៖ Department of Civil Engineering, Department of Architectural Engineering និង Department of Infrastructure and Transportation។ លោកនាយករងក៏បានជម្រាបជូនភាគីភ្ញៀវពីអ្វីដែលសាលាតិចណូបានកំពុងធ្វើសព្វថ្ងៃផងដែរ ដើមី្បឆ្លើយតបទៅនឹងយុទ្ធសាស្រ្តរបស់ក្រសួងអប់រំ និងគោលនយោបាយរបស់រាជរដ្ឋាភិបាល អាណត្តិទី៧ នៃរដ្ឋសភា។

ជាលទ្ធផល ក្រៅពីការបណ្តុះបណ្តាល ភាគីទាំងពីរនឹងរាយការណ៍ជម្រាបជូនថ្នាក់ដឹកនាំរៀងៗខ្លួនដើមី្បសុំការអនុញ្ញាតធ្វើគម្រោងរួមគ្នាពេលដែលរដ្ឋាភិបាលចិនទម្លាក់គម្រោងមកកម្ពុជាតាមរយៈ Tongji University។

និស្សិតដេប៉ាតឺម៉ង់វិស្វកម្មទូរគមនាគមន៍ និងបណ្តាញ (GTR) នៃវិទ្យាស្ថានបច្ចេកវិទ្យាកម្ពុជាចំនួន ៣ រូប ទទួលបានជ័យលាភីចំណាត់ថ្នាក់លេខ ៣ ផ្នែក Network Track នៅក្នុងការប្រកួតប្រជែងលំដាប់ពិភពលោកនៅក្នុងកម្មវិធី “ប្រកួតប្រជែងពិភពលោកផ្នែកបច្ចេកវិទ្យាគមនាគមន៍ និងព័ត៌មានរបស់ក្រុមហ៊ុន Huawei ឆ្នាំ២០២៣-២០២៤” (Huawei ICT Competition Global Final 2023-2024) ដែលបានប្រព្រឹត្តទៅនៅទីក្រុង Shenzhen ប្រទេសចិន។

វិទ្យាស្ថានសូមចូលរួមអបអរសាទរដល់និស្សិតនារីទាំង ៣រូបដែលទទួលបានជ័យលាភីនេះ គឺ៖

១. កញ្ញា សេង សុមន្ថាវរ័ត្ន

២. កញ្ញា សេង សុមន្ថាវរិន្ទ

៣. កញ្ញា សឿន ឧស្សា

កម្មវិធីសម្ពោធនៃដំណើរការគម្រោង “ការគ្រប់គ្រងអាងស្ទឹងទន្លេចម្រុះ នៃដៃអាងទន្លេមេគង្គ សម្រាប់ការបន្សាំនឹងការប្រែប្រួលអាកាសធាតុនៅកម្ពុជា (Integrated River Basin Management of the Mekong Basin Tributary for Adapation to Climate Change)”

—-

(វបក-ភ្នំពេញ)៖ នាព្រឹកថ្ងៃព្រហស្បតិ៍ ៩កើត ខែពិសាខ ឆ្នាំរោង ឆស័កព.ស.២៥៦៧ ត្រូវនឹងថ្ងៃទី១៦ ខែឧសភា ឆ្នាំ២០២៤ ឯកឧត្តមសាស្រ្តចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា អញ្ជើញជាគណៈអធិបតី ក្នុងកម្មវិធីសម្ពោធនៃដំណើរការគម្រោង “Integrated River Basin Management of the Mekong Basin Tributary for Adapation to Climate Change” ដែលទទួលបានការឧត្ថម្ភថវិកា ក្នុងក្របខណ្ឌមូលនិធិកិច្ចសហប្រតិបត្តិការមេគង្គ-សាធារណរដ្ឋកូរ៉េ (Mekong – Republic of Korea Cooperation Fund: MKCF)។ គម្រោងនេះ នឹងត្រូវដឹកនាំដោយអ្នកស្រាវជ្រាវរបស់វិទ្យាស្ថានបច្ចេកវិទ្យាកម្ពុជា ដែលមានរយៈពេលបីឆ្នាំចាប់ពី ខែមីនា ឆ្នាំ ២០២៤ ដល់ខែកុម្ភៈ ឆ្នាំ ២០២៧។ គម្រោង នឹងចូលរួមចំណែកដោះស្រាយបញ្ហាអាងទន្លេដូចជាគ្រោះទឹកជំនន់ សំណឹកដី និងធនធានទឹកនៅក្នុងតំបន់អាងទន្លេមេគង្គ និងចូលរួមអភិវឌ្ឍសមត្ថភាពនៃការគ្រប់គ្រងអាងទន្លេផងដែរ។

កម្មវិធីនេះ មានការអញ្ជើញចូលរួមពីអ្នកតំណាងពី ក្រសួងការបរទេសនិងសហប្រតិបត្តិការអន្តរជាតិ ក្រសួងធនធានទឹកនិងឧតុនិយម វិទ្យាស្ថានមេគង្គ (Mekong Institute) និងដៃគូភាគីសហប្រតិបត្តិការក្នុងគម្រោង ដូចជា Kyungpook National University, Vietnam Academy of Science and Technology និង National University of Laos។