(វបក-ភ្នំពេញ)៖ នាព្រឹកថ្ងៃទី២៧ ខែមិថុនា ឆ្នាំ២០២៤ នៅសាលប្រជុំ១១០-អា វិទ្យាស្ថានបច្ចេកវិទ្យាកម្ពុជាបានរៀបចំកិច្ចប្រជុំក្រុមប្រឹក្សាភិបាលលើកទី៣២ ក្រោមអធិបតីភាពលោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាល។
ក៏មានការចូលរួមដោយផ្ទាល់ពីសំណាក់ លោក Pierre VINCENT ទីប្រឹក្សាសហប្រតិបត្តិការនិងវប្បធម៌នៃស្ថានទូតបារាំង, ឯកឧត្តមបណ្ឌិត អ៊ុម រម្យណី រដ្ឋលេខាធិការ ក្រសួងអប់រំ យុវជន និងកីឡា, ឯកឧត្តម ជូ គឹមឡេង រដ្ឋលេខាធិការក្រសួង សេដ្ឋកិច្ច និងហិរញ្ញវត្ថុ, លោកជំទាវ ប៉ែន ឆដា រដ្ឋលេខាធិការក្រសួង រ៉ែ និងថាមពល, ឯកឧត្តមសាស្រ្តាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា, លោក Thoeurn VongDy តំណាងអង្គការ JICA ប្រចាំនៅកម្ពុជា និងលោក ឧកញ៉ា ឡាយ ម៉េងស៊ុន នាយកក្រុមហ៊ុន SKD និងជាតំណាងវិស័យឯកជន។
រីឯដៃគូដ៏ទៃទៀត ដូចជា លោក MAINETTI Nicolas នាយក AUF Asie-Pacifique, លោកFrédéric DEBASTE តំណាង ARES នៃប្រទេសបែលហី្សក, សាស្រ្តាចារ្យ Junichi TAKADA តំណាងពីTokyo Tech, និង លោកសាស្រ្តចារ្យ KOICHIRO Watanaba ទីប្រឹក្សាអង្គការ JICA នៃទីក្រុងតូក្យូ ក៏មានវត្តមានផងដែរ។
លោកនាយករង ព្រឹទ្ធបុរស ព្រឹទ្ធបុរសរង ប្រធានដេប៉ាតឺម៉ង់ នាយកមជ្ឈមណ្ឌលស្រាវជ្រាវនិងនវានុវត្តន៍ លោកនាយកសាលាក្រោយបរិញ្ញាបត្រ និងសាស្រា្តចារ្យពាក់ព័ន្ធ សរុបទាំងអស់ ៤៨នាក់ ក៏បានអញ្ជើញចូលរួមកិច្ចប្រជុំនេះផងដែរ។
កិច្ចប្រជុំបានអនុម័តយល់ព្រមសំណើររបស់ក្រុមប្រឹក្សាពិគ្រោះយោបល់អន្តរជាតិ ដែលបានប្រជុំកាលពីថ្ងៃមីនាកន្លងទៅ។
គណៈគ្រប់គ្រងនៃវិទ្យាស្ថានបច្ចេកវិទ្យាកម្ពុជាមានកាតព្វកិច្ចអនុវត្តសេចក្តីសម្រេចនេះសម្រាប់ឆ្នាំសិក្សា២០២៤-២០២៥។
កិច្ចប្រជុំបានបញ្ចប់នៅម៉ោង១២៖១៥នាទី ប្រកបដោយផ្លែផ្កាជាទីមោទនៈ។
