(វបក-ភ្នំពេញ)៖ ឯកឧត្តមសាស្រ្តចារ្យ ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា (សាលាតិចណូ) បានអនុញ្ញាតឱ្យលោក Pascal LAFAILLE ចូលជួបសម្តែងការគួរសម ដើមី្បរឹតចំណងទាក់ទងគ្នាឱ្យកាន់តែរឹងមាំបន្ថែមទៀត រវាង សាលាតិចណូ និង ENSAT (École Nationale Supérieure Agronomique de Toulouse )។

ENSAT និងសាលាតិចណូ បានព្រមព្រៀងគ្នាពង្រឹងលើការបណ្តុះបណ្តាលជាពិសេសកម្រិត Master និង PhD។ លើសពីការបណ្តុះបណ្តាល គ្រឹះស្ថានទាំងពីរក៏គ្រោងនឹងពង្រឹងការស្រាវជ្រាវរួមគ្នាលើវិស័យទឹកនិងវិទ្យាសាស្រ្តជីវិត (រុក្ខជាតិ មនុសុ្ស និងសត្វ)។