(ITC-Phnom Penh)៖ នាព្រឹកថ្ងៃទី១២ ខែមីនា ឆ្នាំ២០២៤ ឯកឧត្តមសាស្រ្តាចារ្យ ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា (សាលាតិចណូ) បានអនុញ្ញាតឱ្យក្រុមការងារ EMCAST ចូលជួបពិភាក្សាការងារ នៅបន្ទប់ប្រជុំ២២១-អា នៃវិទ្យាស្ថានបច្ចេកវិទ្យាកម្ពុជា។
គោលបំណងនៃជំនួបនេះគឺ EMCAST ចង់សុំការសហការពីសលាតិចណូ ក្នុងការពង្រីកវិសាលភាពនៃសក្តានុពលរបស់ខ្លួន ដែលអាចផ្តល់ជាប្រយោជន៍ដល់និសិ្សតផ្នែក IT នៃសាលាតិចណូ។
គួរយល់ថា EMCAST គឺជាក្រុមហ៊ុនបច្ចេកវិទ្យាអប់រំសកលមួយដែលមានឯកទេសក្នុងការអភិវឌ្ឍន៍ខ្លឹមសារ e-learning ដែលជាវេទិការ (platform) សម្រាប់ ការរៀបចំការសិក្សា ការរៀនវិភាគ និងដំណោះស្រាយប្រកបដោយភាពច្នៃប្រឌិត។
មកដល់បច្ចុប្បន្ន មនុស្សប្រមាណជាង២០០០០០ (ពីររយពាន់) នាក់ បានទទួលការបណ្តុះបណ្តាលពី EMCAST លើវិស័យជាច្រើនដូចជា៖ គ្រឿងសំអាង អាហារ ទូរគមនាគមន៍ និងអេឡិចត្រូនិច។ គោលដៅចំបងរបស់ EMCAST គឺដើម្បីជំរុញយុវជនក្នុងការអប់រំ STEM (វិទ្យាសាស្ត្រ បច្ចេកវិទ្យា វិស្វកម្ម គណិតវិទ្យា)។ ជំនាញទាំងនេះ អនុញ្ញាតឱ្យកុមារ និងយុវជនអភិវឌ្ឍការគិតប្រកបដោយការរិះគន់ ការដោះស្រាយបញ្ហា ការវែកញែក និងជំនាញទំនាក់ទំនង ដើម្បីទទួលបានជោគជ័យក្នុងអាជីពនាពេលអនាគត និងជីវិតរបស់ពួកគេក្នុងសតវត្សទី២១ ។
ឯកឧត្តមនាយកវិទ្យាស្ថានបានស្វាគមន៍វត្តមាន EMCAST និងស្នើឱ្យដេប៉ាតឺម៉ង់ GIC ពិនិត្យលទ្ធភាពនិងយន្តការនៃអ្វីដែលយើងអាចធ្វើជាមួយគ្នាបាននាពេលខាងមុខ សម្រាប់ជាប្រយោជន៍នៃស្ថាប័នទាំងពីរ។
![](https://itc.edu.kh/wp-content/uploads/2024/03/photo_2024-03-12_15-41-10-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-14-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-18-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-25-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-30-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-34-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-38-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-43-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-47-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-50-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-54-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-57-1024x461.jpg)
![](https://itc.edu.kh/wp-content/uploads/2024/03/photo_2024-03-12_15-41-59-1024x461.jpg)