Month: September 2022

ឯកឧត្តមបណ្ឌិត អ៊ុម រម្យណី រដ្ឋលេខាធិការក្រសួងអប់រំ និងកីឡា បានទទួលមេដាយការងារពី ក្រសួងអប់រំជាតិ យុវជន និងកីឡា នៃសាធារណរដ្ឋបារាំង ពិធីបំពាក់គ្រឿងឥស្សរិយយសមេដាយថ្នាក់អន្តរជាតិកំរិត៖ CHEVALIER DES PALMES ACADEMIQUES នឹងត្រូវបានរៀបចំដោយស្ថានទូតបារាំងប្រចាំនៅកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្តម Jacques PELLET ឯកអគ្គរដ្ឋទូតនៃសាធារណរដ្ឋបារាំងប្រចាំនៅកម្ពុជា នៅថ្ងៃទី២៩ ខែកញ្ញា ឆ្នាំ២០២២ វេលាម៉ោង១៧:០០។ នេះជាមេដៃការងារនេះគឺដើមី្បថ្លែងអំណរគុណ ដល់ឯកឧត្តមដែលបានខិតខំបំរើការងារយ៉ាងសកម្មកាលពីឯកឧត្តម នៅជានាយកវិទ្យាស្ថានបច្ចេកវិទ្យាកម្ពុជារហូតបានធ្វើឱ្យគ្រឹះស្ថានឧត្តមសិក្សាមួយនេះបានក្លាយជាមជ្ឈមណ្ឌលផលិតធនធានមនុស្សផ្នែកវិស្វកម្មឈានមុខគេនៅកម្ពុជា និងមានការទទួលស្គាល់ក្នុងកំរិតជាតិ តំបន់ និងអន្តរជាតិ។សាកលកវិទ្យាល័យ ក៏ដូចជាគ្រឹះស្ថាន ព្រមទាំងអង្គការធំៗនៃប្រទេសបារាំងទាំងនោះបានចូលរួមចំណែកយ៉ាងសំខាន់ក្នុងការបណ្តុះបណ្តាលធនធានមនសុ្សប្រកបដោយគុណភាព ដើមី្បបំរើដល់ការប្រង្រៀននិងជាពិសេសការស្រាវជ្រាវវិទ្យាសាស្រ្ត ដែលជាសសរស្តមមិនអាចខ្វះបានសម្រាប់ចូលរួមជាមួយរាជរដ្ឋាភិបាលក្នុងការជម្រុញសេដ្ឋកិច្ចកម្ពុជា ឆ្ពោះទៅកាន់គោលដៅធំៗពីរ ដូចប្រសាសន៍ដ៏ខ្ពង់ខ្ពស់របស់ សម្តេចតេជោ ហ៊ុន សែន នៅក្នុងកិច្ចប្រជុំកំពូលអាស៊ីប៉ាស៊ីហ្វិកលើកទី២ កាលពីថ្ងៃទី១៩ វិច្ឋិកា ថា “បច្ចុប្បន្ន កម្ពុជាកំពុងខិតខំបន្ថែមទៀត ដើម្បីក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ ២០៥០”។

(ភ្នំពេញ)៖ នាព្រឹកថ្ងៃចន្ទ ៩រោច ខែភទ្របទ ឆ្នាំខាល ចត្វាស័កព.ស.២៥៦៦ ត្រូវនឹងថ្ងៃទី១៩ ខែកញ្ញា ឆ្នាំ២០២២ ឯកឧត្តមបណ្ឌិត អ៊ុម រម្យណី រដ្ឋលេខាធិការក្រសួងអប់រំយុវជននិងកីឡា អញ្ជើជាអធិបតីក្នុងពិធីសម្ពោធបើកគម្រោង “SATREPS៖ ការបង្កើតវេទិកាគ្រប់គ្រងហានិភ័យការបំពុលខ្យល់នៅកម្ពុជា”។ ជាកិច្ចចាប់ផ្តើម ឯកឧត្តមបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជាបានស្វាគមន៍យ៉ងកក់ក្តៅ វត្តមានរបស់ឯកឧត្តមបណ្ឌិតរដ្ឋលេខាធិការ ឯកឧត្តម លោក-លោកស្រី ជាតិនិងអន្តរជាតិ ដែលអញ្ជើញចូលរួមពិធីសម្ពោធបើកដំណើរការគម្រោងខាងលើ។ ឯកឧត្តមក៏បានវាយតម្លៃខ្ពស់និងកោតសរសើរចំពោះការខិតខំរបស់អ្នកស្រាវជ្រាវ សាស្រ្តចារ្យទាំងអស់ខ្មែរនិងជប៉ុន ដែលបានខិតខំរហូតដល់ទទួលបានជោគជ័យក្នុងការទទួលយកគម្រោងដ៏ធំនិងសំខាន់នេះ។ តំណាងមកពីក្រសួងបរិស្ថាន សាកលវិទ្យាល័យវិទ្យាសាស្រ្តសុខាភិបាល សាកលវិទ្យាល័យជាតិគ្រប់គ្រង ក៏បានបញ្ជាក់ពីជំហរគាំទ្រចំពោះគម្រោងដ៏មានសារៈសំខាន់នេះ ដែលជាប្រយោជន៍ដ៏ធំសម្រាប់ប្រជាជនខ្មែរនិងមនុស្សជាតិទាំងមូល។ ចំណែកលោក យ៉ាណាហ្គាវ៉ា ស៊ីនជី (YANAGAWA Shinji) តំណាងចៃកានៅកម្ពុជា លោកសាស្រ្តាចារ្យ YAMAGUCHI Yasushi តំណាង Japan Science and Technology Agency និងលោកបណ្ឌិត WADA Takashi នាយកសាកលវិទ្យាល័យ Kanazawa ក៏បានបង្ហាញពីកង្វល់ពីការបំពុលខ្យល់នាយុគ្គសម័យយើងនេះ …

កិច្ចប្រជុំដាក់ដំណើរការគម្រោង ៖ SATREPS-២៖ ការបង្កើតវេទិកាគ្រប់គ្រងហានិភ័យការបំពុលខ្យល់នៅកម្ពុជា Read More »

(ភ្នំពេញ)៖ នាល្ងាចថ្ងៃសៅរ៍ ៧រោច ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៧ ខែកញ្ញា ឆ្នាំ២០២២ ពិធីចុះហត្ថលេខាលើអនុសារណៈយោគយល់គ្នា ស្តីពីការបង្កើតភាពជាដៃគូសហប្រតិបត្តិការ បានធ្វើឡើងនៅវិទ្យាស្ថានបារាំងនៅកម្ពុជា (Institut français du Cambodge-IFC) រវាងលោក Pierre VINCENT ទីប្រឹក្សាសហប្រតិបត្តិការនិងសកម្មភាពវប្បធម៌នៃស្ថានទូតបារាំង និងជានាយកនៃវិទ្យាស្ថានបារាំងនៅកម្ពុជា និងឯកឧត្តមបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា ក្រោមអធិបតីភាពឯកឧត្តម Jacques PELLET ឯកអគ្គរដ្ឋទូតវិសាមញ្ញនៃសាធារណរដ្ឋបារាំងប្រចាំនៅកម្ពុជា។ គួរយល់ថាពិធីនេះត្រូវបានធ្វើឡើងក្នុងអំឡុងពេល “ទិវាបេតិកភណ្ឌអឺរ៉ុប និងខួប៣០ឆ្នាំនៃការបង្កើតវិទ្យាស្ថានបារាំងនៅកម្ពុជា”`។ គោលបំណងសំខាន់គឺ៖១) ពង្រឹងទំនាក់ទំនងរវាងគ្រឹះស្ថានទាំងពីររបស់យើង ដើម្បីគាំទ្រ និងលើកកម្ពស់គម្រោងអប់រំទាក់ទងនឹងវប្បធម៌ និងអរិយធម៌ ដោយរៀបចំព្រឹត្តិការណ៍រួមគ្នា២) ការផ្លាស់ប្តូរសាស្រ្តចារ្យ៣) ការចល័តនិស្សិត ទៅទស្សនាវិទ្យាស្ថានបារាំង និងបណ្ណាល័យរបស់ IFC៤) ការទស្សនាកម្មវិធីវប្បធម៌ និងកម្មវិធីភាពយន្ត។ កម្មវិធីជាក់លាក់មួយអាចនឹងត្រូវបានបង្កើតឡើងនៅក្នុងភាពជាដៃគូ នាពេលដ៏ខ្លីខាងមុខ។