Author: SIENG Chamroeun

(ITC-Phnom Penh)៖ នាល្ងាចថ្ងៃទី២០ ខែកុម្ភៈ ឆ្នាំ២០២៣ ឯកឧត្តមបណ្ឌិត ប៉ូ គឹមថូ និងលោកបណ្ឌិត អឿង ចន្ថា បានអញ្ជើញចូលរួមខួបគម្រប់៣០ឆ្នាំនៃភ្នាក់ងារបារាំងសម្រាប់អភិវឌ្ឍ ដែលបានរៀបចំនៅស្ថានទូតបារាំង។ គួររំលឹកថាក្រុម AFD Group បានចាប់ផ្តើមមានវត្តមាននៅប្រទេសកម្ពុជាកាលពីឆ្នាំ១៩៩៣ ដើម្បីគាំទ្រដល់គន្លងនៃការអភិវឌ្ឍរបស់ប្រទេសកម្ពុជា និងធ្វើការជាមួយដៃគូរបស់ពួកគេ ដើម្បីកសាងពិភពលោកកាន់តែបៃតង និងសមធម៌។  យោងតាមរបាយការណ៍របស់ឯកអគ្គរដ្ឋទូតបារាំងប្រចាំនៅកម្ពុជា AFD បានចំណាយថវិកាសរុបក្នុងរយៈពេល៣០ឆ្នាំនេះអស់១០០០លានអឺរ៉ូ ដើមី្បជួយកម្ពុជាក្នុងវិស័យមួយចំនួន។ ជោគជ័យរបស់AFDក៏មានចំណែកមួយរបស់វិទ្យាស្ថានបច្ចេកវិទ្យាកម្ពុជា (សាលាតិចណូ) ផងដែរ។ ដោយហេតុផលនេះហើយ ទើបក្នុងពេលនេះដែរ សាលាតិចណូ និងរដ្ឋាករទឹកស្វយ័តក្រុងភ្នំពេញបានចុះហត្ថលេខាលើអនុសារណៈនៃការយោគយល់គ្នា (MoU) ដើមី្បចាប់យកភាពជាដៃគូនិងចាប់ផ្តើមការសហការនៃស្ថាប័នទាំងពីរ។

(ITC-Pnom Penh)៖ នាព្រឹកថ្ងៃទី១៦ ខែកុម្ភៈ ឆ្នាំ២០២៣ វិទ្យាស្ថានបច្ចេកវិទ្យាកម្ពុជា បានប្រារព្ធពិធីបើកបវេសនកាលដើមី្បទទួលនិសិ្សតឆ្នាំទី១ សម្រាប់ឆ្នាំសិក្សា២០២២-២០២៣ ប្រមាណ១៥០០នាក់។ ឯកឧត្តមបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា បានអញ្ជើញជាអបិតីក្នុងកម្មវិធីនេះ។ ឯកឧត្តមបានអបអរសាទរចំពោះជោគជ័យដែលប្អូនៗបានទទួលចំពោះការប្រឡងចូលសាលាតិចណូ និងបានជូនពរអោយប្អូនៗមានសំណាងល្អចំពោះការសិក្សា ក្នុងរយៈពេល៥ឆ្នាំខាងមុខ។ ក៏មានលោកនាយករង លោកទីប្រឹក្សា ព្រឹទ្ធបុរស និងសាស្រ្តាចារ្យ បុគ្គលិកមួយចំនួន បានអញ្ជើញចូលរួមក្នុងពិធីនេះផងដែរ។ បន្ទាប់ពីការជួបជុំនៅក្នុងសាលសន្និសីទសម្តេចអគ្គមហាសេនាបតីតេជោ ហ៊ុន សែន ដើមី្បស្តាប់នូវវិន័យ និងកម្មវិធីសិក្សានៅក្នុងវិទ្យាស្ថានរួចមក ប្អូនៗនិសិ្សតបានបន្តទស្សនាទីតាំងនិងទីពិសោធន៍សំខាន់ៗមួយចំនួន។

ថ្ងៃនេះវិទ្យាស្ថានបច្ចេកវិទ្យាកម្ពុជាបានទទួលសៀវភៅ១០០០ក្បាល ដែលមានចំណងជើងថា “សម្តេចតេជោ ហ៊ុនសែន អ្នកគូសវាសជោគវាសនាកម្ពុជា” ពីឯកឧត្តម កែវ បាភ្នំ រដ្ឋមន្ត្រីប្រតិភូអមនាយករដ្ឋមន្ត្រី ដើម្បីបម្រើការងារស្រាវជ្រាវរបស់ និស្សិត សាស្រ្តាចារ្យ និងសាធារណជន អំពីប្រវត្តិតស៊ូ និងបុព្វហេតុដ៌ឧត្តុង្គឧត្តមនៃការកសាងជាតិរបស់ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។ វិទ្យាស្ថានសូមគោរព ថ្លែងអំណរគុណយ៉ាងជ្រៀលជ្រៅដែលបានផ្តល់សៀវភៅដ៏មានសារសំខាន់នេះ។

វិទ្យាស្ថានបច្ចេកវិទ្យាកម្ពុជា (វបក) បានសហការជាមួយសកលវិទ្យាល័យដៃគូរចំនួន៥ (UCLouvain, Liege, ULB, University de Namur, and UMONS) នៃប្រទេសបែលហ្ស៊ិកក្រោមក្របខ័ណ្ឌកម្មវិធី ARES (Academy for research and Higher Education) សម្រាប់ជួយអភិវឌ្ឍន៍វិទ្យាស្ថានក្នុងរយៈពេល 5ឆ្នាំ (2022-2027) ដែលមានកញ្ចប់ថវិកា 1.1 លានអឺរ៉ូ។ តាមរយៈកិច្ចប្រជុំពិភាក្សារយៈពេល1សប្តាហ៍ នៅវបក រវាងអ្នកដឹកនាំ និងអ្នកអនុវត្តគម្រោងដែលដឹកនាំដោយ Prof. Michel Verleysen តំណាងកម្មវិធី ARES និងឯ.ឧ. បណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា គម្រោងជាយុទ្ធសាស្ត្រនេះ មានគោលដៅលើកកម្ពស់សមត្ថភាពស្ថាប័នដោយផ្អែកលើការកំណត់តម្រូវការរបស់វិទ្យាស្ថាន ដោយរំលេចចេញជាលទ្ធផលគោលដៅជាអាទិភាពចំនួន 6 ដែលទទួលខុសត្រូវលើការអនុវត្តដោយភាគី វបក និង សកលវិទ្យាល័យធំទាំង 5 របស់បែលហ្ស៊ិក។ កិច្ចសហប្រតិបត្តិការនេះផ្តោតលើលទ្ធផលចំបងចំនួនពីរ៖
-ទី1: ការកសាង និងពង្រឹងសមត្ថភាពនិងជំនាញដល់ បុគ្គលិក សាស្ត្រាចារ្យ និងអ្នកស្រាវជ្រាវរបស់វិទ្យាស្ថានលើការបង្រៀន ការស្រាវជ្រាវ និង សេវាកម្ម (extension services) ស្របតាមស្តង់ដាអន្តរជាតិ។
-ទី2 : ការពង្រឹងសមត្ថភាពវិទ្យាស្ថានក្នុងការផ្ទេរចំណេះដឹង បច្ចេកវិទ្យាសម្រាប់សហគមន៍នៅក្នុងព្រះរាជាណាចក្រកម្ពុជា។
នៅថ្ងៃបិទបញ្ចប់នៃបេសកកម្មក្រុមមអ្នកជំនាញការរបស់កម្មវិធី ARES ក៏មានការចូលរួមពី ឯ.ឧ. ម៉ក់ ងយ អគ្គនាយកនៃអគ្គនាយកដ្ឋានឧត្តមសិក្សា ក្រសួងអប់រំ យុវជន និងកីឡា ផងដែរ។ឯ.ឧ.បានផ្តល់នូវធាតុចូលល្អៗបន្ថែមទៀតដើម្បីឲ្យការរៀបចំគម្រោងនេះមានការឆ្លើយតបពេញលេញ ស្របតាមតម្រូវការរបស់ប្រទេសជាតិ។
លទ្ធផលគោលដៅជាអាទិភាពចំនួន 6 មានដូចជា៖
Result 1: the ITC research transfer services are restructured and developed
Result 2: Services related to the valorisation of research have developed soft skills
Result 3: Skills in knowledge transfer are strengthened in Cambodian HEIs and an international accreditation process is initiated in ITC.
Result 4: Research project management capacities are developed
Result 5: Laboratory management capacity is strengthened
Result 6: Documentary resources are more accessible and enhance research and teaching