INSTITUTE OF TECHNOLOGY OF CAMBODIA

Author: SIENG Chamroeun

  • វិទ្យាស្ថានបច្ចេកវិទ្យាកម្ពុជានិង ECAM LaSalle នៃទីក្រុង Lyon ប្រគល់សញ្ញាបត្រដល់និស្សិតជ័យលាភីនៃកម្មវិធីអន្តរជាតិ ECAM LaSalle-ITC ជំនាន់ទី១ចំនួន១១នាក់

    វិទ្យាស្ថានបច្ចេកវិទ្យាកម្ពុជានិង ECAM LaSalle នៃទីក្រុង Lyon ប្រគល់សញ្ញាបត្រដល់និស្សិតជ័យលាភីនៃកម្មវិធីអន្តរជាតិ ECAM LaSalle-ITC ជំនាន់ទី១ចំនួន១១នាក់

    (ភ្នំពេញ)៖ វិទ្យាស្ថានបច្ចេកវិទ្យាកម្ពុជា (សាលាតិចណូ) និង ECAM LaSalle នៃទីក្រុង Lyon ប្រទេសបារាំង បានប្រារព្ធពិធីប្រគល់សញ្ញាបត្រដល់និស្សិតជ័យលាភីទាំង១១នាក់ នៃកម្មវិធីអន្តរជាតិ ECAM LaSalle-ITC ជំនាន់ទី១ នៅថ្ងៃចន្ទ ទី២២ ខែមេសា ឆ្នាំ២០២៤។

    ពិធីនេះបានប្រព្រឹត្តទៅនៅសាលាតិចណូរាជធានីភ្នំពេញ ក្រោមអធិបតីភាពរបស់ឯកឧត្តមសាស្ត្រាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា និង លោកសាស្រ្តាចារ្យ DESPLANCE Didier អគ្គនាយកសាលាវិស្វកម្ម ECAM LaSalle ក្នុងទីក្រុង Lyon ។

    ក្នុងឱកាសនេះ អ្នកចូលរួមប្រមាណ ១០០នាក់ ដែលរួមមានក្រុមគ្រួសាររបស់និស្សិតដែលទើបបញ្ចប់ការសិក្សាថ្មីៗ សាស្រ្តាចារ្យ តំណាងក្រុមហ៊ុន និងស្ថាប័ននានា និងដៃគូរបស់សាលា បានអញ្ជើញមានវត្តមានដើម្បីអបអរសាទរដល់និស្សិតវិស្វកម្មជំនាន់ទី១ ផ្នែក រ៉ូបូទិច និងស្វ័យប្រវត្តកម្ម និងវិស្វកម្មឧស្សាហកម្ម និង គ្រប់គ្រងខ្សែសង្វាក់ផ្គត់ផ្គង់។

    វិស័យទាំងពីរនេះមានតម្រូវការខ្ពស់ សម្រាប់សហគ្រាសធុនតូច និងមធ្យមនៅកម្ពុជា ព្រោះវាជាផ្នែកមួយដ៏សំខាន់នៃកម្មន្តសាល ដែលរួមចំណែកមិនអាចខ្វះបានដល់ការអភិវឌ្ឍសេដ្ឋកិច្ចរបស់ប្រទេស។

    ECAM បានបង្កើតឡើងក្នុងឆ្នាំ១៩០០។ ECAM LaSalle ត្រូវបានទទួលស្គាល់ថាជាសាលាវិស្វកម្មឯកជនដ៏ល្អបំផុតមួយនៅក្នុងប្រទេសបារាំង។ វាតំណាងឱ្យការបណ្តុះបណ្តាលដ៏ល្បីលើពិភពលោក និងល្អឥតខ្ចោះរបស់សាលាល្បីៗនៅប្រទេសបារាំង ដែលត្រូវបានទទួលស្គាល់ដោយ CTI (Commission des titres d’ingénieur) ដើម្បីផ្តល់សញ្ញាបត្រវិស្វកម្មជាមួយនឹងតំណភ្ជាប់យ៉ាងជិតស្និទ្ធទៅនឹងឧស្សាហកម្ម និងបណ្តាញអតីតនិស្សិតដ៏ធំមួយ ក៏ដូចជាការបណ្តុះបណ្តាលនៅក្រៅប្រទេស។ វាគឺជាកម្មវិធីប្រកបដោយភាពច្នៃប្រឌិតដែលរួមបញ្ចូលគ្នានូវជំនាញរបស់សាលាតិចណូ និងសាលាវិស្វកម្មបារាំង៖ ECAM LaSalle ។

    អន្តរជាតិតុបនីយកម្ម និស្សិតមានឱកាស ទៅកាន់សាលា ECAM LaSalle នៃទីក្រុង Lyon ដើម្បីចំណាយពេលមួយឆមាសនៅទីនោះ។ សិក្ខាសាលាប្រកបដោយគុណភាពជាច្រើននៅក្នុងប្រទេសថៃត្រូវបានរៀបចំឡើងក្នុងកំឡុងពេលសិក្សារបស់ពួកគេ ដែលអនុញ្ញាតឱ្យពួកគេអភិវឌ្ឍចំណេះដឹង ជំនាញគ្រប់គ្រង ការងារជាក្រុម ការអនុវត្តគំនិតទ្រឹស្តី និងបង្កើតបណ្តាញវិជ្ជាជីវៈ។ នៅពេលបញ្ចប់ការសិក្សាកម្រិតបរិញ្ញាបត្រវិស្វកម្ម និស្សិតអាចបន្តការសិក្សាថ្នាក់ កម្រិតបរិញ្ញាបត្រជាន់ខ្ពស់វិស្វកម្មពី ECAM LaSalle ពីសាកលវិទ្យាល័យឈៀងម៉ៃ ឬសាកលវិទ្យាល័យ Kasetsart ឬ ពីសាលាតិចណូ។

    កម្មវិធីអន្តរជាតិ ECAM ដែលមាននៅសាលាតិចណូ គឺជាកម្មវិធីមួយ ដែលប្រកបដោយភាពច្នៃប្រឌិត និងពហុជំនាញនិងអនុវត្តជាក់ស្តែងជាមួយនឹងគម្រោងច្នៃប្រឌិត និងកម្មសិក្សា។ នេះជាឱកាសសិក្សាជាលក្ខណៈអន្តរជាតិ ជាមួយនឹងបរិយាកាសពហុវប្បធម៌ និងឱកាសសម្រាប់ការផ្លាស់ប្តូរការសិក្សានៅប្រទេសបារាំង៕

  • អបអរសាទរនិស្សិតនារីកម្ពុជា ៣រូប ដែលមកពីវិទ្យាស្ថានបច្ចេកវិទ្យាកម្ពុជា ទទួលបានចំណាត់ថ្នាក់លេខ៣ ក្នុងការប្រកួតប្រជែងកម្មវិធី Huawei ICT Competition 2023-2024 Regional Round

    អបអរសាទរនិស្សិតនារីកម្ពុជា ៣រូប ដែលមកពីវិទ្យាស្ថានបច្ចេកវិទ្យាកម្ពុជា ទទួលបានចំណាត់ថ្នាក់លេខ៣ ក្នុងការប្រកួតប្រជែងកម្មវិធី Huawei ICT Competition 2023-2024 Regional Round

    អបអរសាទរនិស្សិតនារីកម្ពុជា ៣រូប ដែលមកពីវិទ្យាស្ថានបច្ចេកវិទ្យាកម្ពុជា ដេប៉ាតឺម៉ង់ទេពកោសល្យ ទូរគមនាគមន៍ និងបណ្តាញ (GTR) ដែល ទទួលបានចំណាត់ថ្នាក់លេខ៣ ក្នុងការប្រកួតប្រជែងកម្មវិធី Huawei ICT Competition 2023-2024 Regional Round ផ្នែក Network Track នៅប្រទេសឥណ្ឌូនេសុី ដែលមានការចូលរួមប្រកួតប្រជែងពីបណ្តាប្រទេសនានានៅក្នុងអាសុីប៉ាសុីហ្វិក រួមមាន ឥណ្ឌូនេសុី , ម៉ាឡេសុី , មីយ៉ាន់ម៉ា , ថៃ , សាំងហ្កាពួរ , ប្រ៊ុយនេ , ភីលីពីន , ឡាវ…។ ពួកយើងពិតជាមានមោទនភាពដែលទទួលបានជោគជ័យលើឆាកអន្តរជាតិមួយនេះ ។

  • កិច្ចប្រជុំពិភាក្សាស្តីពីការចូលរួមលើកកម្ពស់ឌីជីថលនីយកម្មក្នុងអាស៊ានរវាងវិទ្យាស្ថានបច្ចេកវិទ្យាកម្ពុជានិងវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាននិងអាស៊ីបូព៌ា (ERIA)

    កិច្ចប្រជុំពិភាក្សាស្តីពីការចូលរួមលើកកម្ពស់ឌីជីថលនីយកម្មក្នុងអាស៊ានរវាងវិទ្យាស្ថានបច្ចេកវិទ្យាកម្ពុជានិងវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាននិងអាស៊ីបូព៌ា (ERIA)

    (ITC-Phnom Penh)៖ នៅព្រឹកថ្ងៃទី០៤ ខែមេសា ឆ្នាំ២០២៤ ឯកឧត្តមសាស្រ្តាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា (សាលាតិចណូ) បានទទួលស្វាគមន៍ប្រតិភូ ៥រូបមកពីវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា(ERIA) នៃប្រទេសជប៉ុន។ កិច្ចប្រជុំដែលធ្វើឡើងនៅវិទ្យាស្ថានបច្ចេកវិទ្យាកម្ពុជា បានប្រមូលផ្តុំអ្នកជំនាញមកពីស្ថាប័នទាំងពីរ ដើម្បីចែករំលែកចំណេះដឹង និងស្វែងយល់ពីគំនិតផ្តួចផ្តើមសហការដ៏មានសក្តានុពលរួមគ្នាមួយ។

    ឯកឧត្តមសាស្រ្តាចារ្យ បានស្វាគមន៍ចំពោះប្រតិភូ និងបានសង្ខេបអំពីបេសកកម្មរបស់សាលាតិចណូ ក្នុងការលើកកម្ពស់គុណភាពនៃការអប់រំក្នុងវិស័យវិស្វកម្ម ពង្រឹងការស្រាវជ្រាវ និងសម្រួលដល់ការផ្ទេរបច្ចេកវិទ្យា។ លោកបានគូសបញ្ជាក់អំពីកម្មវិធីថ្មីរបស់វិទ្យាស្ថានបច្ចេកវិទ្យាកម្ពុជា ដែលផ្តោតលើបញ្ញាសិប្បនិមិត្ត ការអភិវឌ្ឍន៍កម្មវិធី ការរៀនម៉ាស៊ីន រ៉ូបូត និងផ្នែកពាក់ព័ន្ធផ្សេងទៀត ស្របតាមគោលដៅនៃបណ្តាញសាកលវិទ្យាល័យបច្ចេកវិទ្យាអាស៊ាន និងគំនិតផ្តួចផ្តើមការគ្រប់គ្រងខ្សែសង្វាក់ផ្គត់ផ្គង់។

    រីឯលោក Fusanori Iwasaki មកពី ERIA បានធ្វើបទបង្ហាញអំពីការងាររបស់អង្គការក្នុងការបង្កើតបណ្តាញសាកលវិទ្យាល័យបច្ចេកវិទ្យាអាស៊ាន ដោយសង្កត់ធ្ងន់លើតួនាទីរបស់ខ្លួនក្នុងការជំរុញកិច្ចសហប្រតិបត្តិការក្នុងតំបន់លើបច្ចេកវិទ្យាឌីជីថល ប្រកបដោយនិរន្តរភាព។ លោកបានគូសបញ្ជាក់៖ “ERIA យកចិត្តទុកដាន់លើការលើកកម្ពស់ការច្នៃប្រឌិតឌីជីថលក្នុងស្រុក ការស្រាវជ្រាវរួមគ្នាលើបញ្ហាសង្គមដែលទាក់ទងនឹងភាពជឿនលឿនផ្នែកឌីជីថល”។

    លោកបណ្ឌិត Keita Oikawa ក៏បានបង្ហាញអំពីការស្រាវជ្រាវ ក៏ដូចជាតួនាទីរបស់ ERIA លើការធ្វើឱ្យខ្សែសង្វាក់ផ្គត់ផ្គង់ឌីជីថលនៅក្នុងតំបន់អាស៊ាន ដោយផ្តោតលើការធ្វើពាណិជ្ជកម្ម និងខ្សែសង្វាក់ផ្គត់ផ្គង់ឌីជីថលដោយផ្អែកលើការសិក្សារបស់ពួកគេ។

    ចំណែកឯលោកបណ្ឌិត Yasushi Ueki បានធ្វើបទបង្ហាញស្តីពីឌីជីថលនីយកម្មនៃក្រុមហ៊ុនផលិតកម្ម ដោយសង្កត់ធ្ងន់លើសារៈសំខាន់នៃការធ្វើឱ្យប្រសើរឡើងនូវគុណភាពនៃការគ្រប់គ្រង ដំណើរការរដ្ឋបាល និងការទទួលយកបច្ចេកវិទ្យាឧស្សាហកម្ម 4.0 ដូចជា Internet of Things (IoT) ជាពិសេសនៅក្នុងប្រទេសថៃ និងវៀតណាម។ ការធ្វើបទបង្ហាញបានបង្ហាញពីតួនាទីរបស់ស្ថាប័នអប់រំក្នុងការអភិវឌ្ឍន៍ធនធានមនុស្ស (HRD) តាមរយៈការលើកកម្ពស់ការយល់ដឹង ការបណ្តុះបណ្តាលជាក់ស្តែង ការផ្តល់ចំណេះដឹងកម្រិតខ្ពស់ និងកម្មវិធីធនាគារឥណទានជាតិ ដែលលើកកម្ពស់ជំនាញ និងជំនាញរបស់កម្មករ។

    បន្ទាប់ពីការធ្វើបទបង្ហាញ ជារួមចំនុចសំខាន់ៗរួមមាន៖ ១) ខ្លឹមសារនៃគំរូអនុស្សរណៈយោគយល់គ្នា (MOU), ២)ក្រុមការងារជំនាញនៃភាគីទាំងពីរនឹងពិភាក្សាលំអិតជាមួយគ្នា, ៣) កំណត់កាលបរិច្ឆេទ និងប្រធានបទសម្រាប់សិក្ខាសាលាមួយ ដែលបានគ្រោងធ្វើរួមគ្នានាពេលខាងមុខ។

    កិច្ចប្រជុំបានបញ្ចប់ដោយភាគីទាំងពីរប្តេជ្ញាចិត្ត ក្នុងការធ្វើការរួមគ្នា ដើម្បីជំរុញឌីជីថលនីយកម្មនៅក្នុងអាស៊ាន។

  • សាលាតិចណូនិងSNKRPបានក្លាយជាដៃគូសហការ

    សាលាតិចណូនិងSNKRPបានក្លាយជាដៃគូសហការ

    (ITC-Phnom Penh)៖ នាព្រឹកថ្ងៃទី២២ ខែមីនា ឆ្នាំ២០២៤ វិទ្យាស្ថានបច្ចេកវិទ្យាកម្ពុជា (សាលាតិចណូ) និងក្រុមហ៊ុន SNKRP បានឈានដល់ការចុះហត្ថលេខាលើអនុសារណៈយោគយល់គ្នា។

    ឯកឧត្តមសាស្រ្តាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា អញ្ជើញសមភាគីទស្សនាពិព័ណ៌ស្នាដៃនិងសមិទ្ធិផលរបស់សាលាតិចណូនៅបន្ទប់១១៣-អា ព្រមទាំងបានអញ្ចើញភ្ញៀវទស្សនាទីពិសោធន៍សំខាន់មួយចំនួន។

    មុនពេលចុះហត្ថលេខា ឯកឧត្តមនាយកបានរំលេចសារៈសំខាន់នៃវិស័យឯកជនក្នុងការចូលរួមផ្តល់នូវចំនុចមួយចំនួនដែលនិសិ្សតយើងគួរបំពេញបន្ថែម។ ក្នុងន័យនេះយើងបានបង្កើតការិយាល័យទំនាក់ទំនងសហគ្រាសដែលមានរបបប្រជុំមួយដងក្នុងមួយឆ្នាំ ដើមី្បពិភាក្សាគ្នានិងបំពេញឱ្យគ្នាទៅវិញទៅមក។

    ឯកឧត្តមនាយកបានមានប្រសាសន៍ថាជារួមសាលាតិចណូមានបេសកកម្មបីធំៗ៖ ផលិតធនធានមនស្ស

    ការស្រាវជ្រាវ និង ជួយសង្គម។

    ចំណែកឯលោក ថេង សំរិទ្ធ អគ្គនាយកក្រុមហ៊ុន SNKRP បានថ្លែងអំណរគុណដល់សាលាតិចណូដែលទទួលយកភាពជាដៃគូ និងសហការផ្តល់ធនធានមនុស្ស និងចែករំលែកនូវការបណ្តុះបណ្តាលដែលក្រុមហ៊ុនត្រូវការ។ លោកអគ្គនាយកបានបញ្ជាក់ថា SNKRP គឺជាក្រុមហ៊ុនសំណង់ តម្លើងផ្ទាំងសូឡា និងវារីអគ្គិសនី។

    ក្រុមហ៊ុនត្រូវការកម្លាំងពលកម្មជំនាញ១០០នាក់ពីសាលាតិចណូ នឹងផ្តល់ទីកន្លែងស្នាក់នៅដល់និសិ្សតដែលចុះកម្មសិក្សា និងអាហារបីពេល។

    ក្រុមការងារនៃស្ថាប័នទាំងពីរនឹងពិភាក្សាគ្នាដើមី្បពិនិត្យលទ្ធភាព ជួយគ្នាទៅវិញទៅមក សម្រាប់ប្រយោជន៍រួម។

  • THE 13th SCIENTIFIC DAY

    THE 13th SCIENTIFIC DAY

  • Journée Internationale de la Francophonie 2024

    Journée Internationale de la Francophonie 2024

    (ITC-PHNOM PENH): នារសៀលថ្ងៃទី២២ ខែមីនា ឆ្នាំ២០២៤ ឯកឧត្តមនាយក សាស្រ្តាចារ្យបណ្ឌិត ប៉ូ គឹមថូ និងលោកនាយករង សូយ ទី អញ្ជើញចូលរួម ទិវាអន្តរជាតិហ្រ្វង់កូហ្វូន ឆ្នាំ២០២៤ ស្ថិតក្រោមប្រធានបទ: “បង្កើតថ្មី លើកកម្ពស់នវានុវត្តន៍ និងសហគ្រិន តាមរយ:ភាសាបារាំង”។

    ព្រឹត្តិការណ៍នេះត្រូវបានរៀបចំនៅវិទ្យាស្ថានបច្ចេកវិទ្យាកម្ពុជា ស្ថិតក្រោមអធិបតីភាពដ៏ខ្ពស់ខ្ពស់ ឯកឧត្តមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងលោក Jacques PELLET ឯកអគ្គរដ្ឋទូតបារាំងប្រចាំនៅកម្ពុជា។

    គ្រឹះស្ថានឧត្តមសិក្សាចំនួន១៣ អញ្ជើញចូលរួមក្នុងការជួបជុំអន្តរសាកលវិទ្យាល័យប្រចាំឆ្នាំ សរុបអ្នកចូលរួមទាំងអស់ប្រមាណ២០០០នាក់។

  • STRATÉGIE PERSPECTIVE DU CONSORTIUM 2024

    STRATÉGIE PERSPECTIVE DU CONSORTIUM 2024

  • CONSORTIUM PERSPECTIVE STRATEGY 2024

    CONSORTIUM PERSPECTIVE STRATEGY 2024

  • Rapport du Consortium 2024

    Rapport du Consortium 2024

  • Report Consortium 2024

    Report Consortium 2024